الەۋمەتتىك جەلىدە "قازاقمىس" يەلىگىندەگى پايدالى قازبالار وندىرەتىن كەن ورنىندارىن شەتەلدىك ينۆەستورعا ساتۋ جونىندەگى كەلىسسوزدەر ءجۇرىپ جاتقانى تۋرالى اقپارات جەلدەي ەسكەن ەدى.

كومپانيانىڭ مالىمەتىنشە، بۇل اقپارات شىندىققا جاناسپايدى.

"قازاقمىس" كەن ورىندارىن ساتىپ جاتقان جوق، كومپانيا رەسەيلىك كومپانيالارعا ساتىلىپ جاتقان جوق، سونداي-اق سيرەك كەزدەسەتىن جەر مەتالدارىن بار-كەن نەمەسە كونتسەنترات تۇرىندە ەلدەن شىعارىپ جاتقان جوق. جىل باسىنان بەرى كومپانيا ناقتى دايەكتەرمەن راستالماعان ءتۇرلى قاۋەسەت پەن جورامالدارعا تولى اڭگىمەلەرگە تاپ بولدى، - دەدى كومپانيانىڭ رەسمي وكىلى ارمان تلەۋكەنوۆ.

"قازاقمىس" كورپوراتسياسى قوعامدى تەك رەسمي جانە تەكسەرىلگەن اقپاراتقا سۇيەنۋگە، سونداي-اق قاۋەسەت تاراتۋدان اۋلاق بولۋعا شاقىردى.

كەيبىر باق جانە الەۋمەتتىك جەلىلەردە پايدالى قازبالار وندىرەتىن سەگىز كەن ورنىن شەتەلدىك ينۆەستورعا ساتۋ جونىندە كەلىسسوز ءجۇرىپ جاتىرمىز دەگەن اقپارات تاراۋدا. بۇل اقپارات شىندىققا جاناسپايدى. «قازاقمىس» كورپوراتسياسى شەتەلدىك نەمەسە باسقا دا ينۆەستورلارعا قانداي دا ءبىر كەن ورىندارىن ساتۋعا قاتىستى كەلىسسوز جۇرگىزىپ جاتقان جوق. ەستەرىڭىزگە سالايىق،  قازاقستان رەسپۋبليكاسىنىڭ زاڭناماسىنا سايكەس، جالعان اقپارات تاراتۋ زاڭ الدىندا جاۋاپكەرشىلىك جۇكتەيدى. بۇقارالىق اقپارات قۇرالدارىنىڭ وكىلدەرى مەن قوعامدى تەك رەسمي جانە تەكسەرىلگەن اقپاراتقا سۇيەنۋگە، سونداي-اق قاۋەسەت تاراتۋدان اۋلاق بولۋعا شاقىرامىز، - دەپ مالىمدەدى كومپانيا.

اbai.kz