نىعماتۋلين اۋلەتىنەن بەرەكە كەتتى...

پوليتسيا ءماجىلىستىڭ ەكس-توراعاسى نۇرلان نىعماتۋليننىڭ ۇلكەن ۇلى نۇرجان نۇرلانوۆقا قاتىستى "رەيدەرلىك" بابى بويىنشا قىلمىستىق ءىس قوزعادى.
تەرگەۋگە بيزنەسمەن قانات امىركيننىڭ ارىز-شاعىمى نەگىز بولعان. ول بۇعان دەيىن نۇرلانوۆتى "الاتاۋدورستروي" كومپانياسىن قورقىتىپ، ۇركىتىپ تارتىپ الدى جانە اقشا بوپسالادى دەپ ايىپتاعان ەدى.
بۇل سوڭعى ۋاقىتتا نىعماتۋليندەر اۋلەتىنە بايلانىستى تۋىنداعان العاشقى داۋ ەمەس.
بيىل ناۋرىز ايىنىڭ باسىندا باس پروكۋراتۋرا نۇرلان نىعماتۋليننىڭ تۋعان اعاسى ارعىن نىعماتۋليندى حالىقارالىق ىزدەۋگە جاريالاعان. سونىمەن قاتار، ونىڭ ءىنىسى ەرلان نىعماتۋلينگە قاتىستى «بوپسالاۋ» فاكتىسى بويىنشا قىلمىستىق ءىس قوزعالىپ، تەرگەۋ ءجۇرىپ جاتىر.
نۇرلان نىعماتۋلين 2022 جىلعى 1 اقپاندا ءماجىلىس سپيكەرى قىزمەتىنەن كەتكەن.
دەرەككوزى: اشكەرە تەلەگرام ارناسى
Abai.kz