تۇركىستان وبلىسىنا ورىنباسار اكىم تاعايىندالدى

تۇركىستان وبلىسىنىڭ اكىمى نۇرالحان كوشەروۆ وبلىس اكتيۆىنە جاڭا ورىنباسارى تالعات قوزبەكوۆتى تانىستىرىپ، ءوڭىردى دامىتۋ باعىتىندا ماڭىزدى مىندەتتەر جۇكتەلىپ وتىرعانىن جەتكىزدى
تالعات قوزبەكوۆ 1976 جىلى تالدىقورعان وبلىسى پانفيلوۆ اۋدانى كوكتال اۋىلىندا دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن "ەكونوميست-ماركەتولوگ" جانە ال-فارابي اتىنداعى قازاق ۇلتتىق ۋنيۆەرسيتەتىن "زاڭگەر" ماماندىقتارى بويىنشا بىتىرگەن.
ەڭبەك جولىن 1999 جىلى پانفيلوۆ اۋدانى بويىنشا سالىق كوميتەتىنىڭ سالىق ءاۋديتى بولىمىندە سالىق ينسپەكتورى لاۋازىمىنان باستادى. ءار جىلدارى ءبولىم باسشىسى، باسقارما باسشىسىنىڭ ورىنباسارى، پانفيلوۆ اۋدانى بويىنشا مەملەكەتتىك كىرىستەر باسقارماسىنىڭ باسشىسى لاۋازىمدارىن اتقاردى.
2020 جىلدان باستاپ اتىراۋ وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى لاۋازىمىندا جانە الماتى وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى بولىپ قىزمەت ەتتى.
2022 جىلدىڭ قىركۇيەك ايىنان بەرى جەتىسۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى قىزمەتىن اتقارىپ كەلدى.
تالعات قوزبەكوۆ وبلىس اكىمىنىڭ ورىنباسارى رەتىندە كاسىپكەرلىك جانە ساۋدا، قۇرىلىس، مەملەكەتتىك ساتىپ الۋ، قارجى جانە مەملەكەتتىك اكتيۆتەر، ەكونوميكا جانە بيۋدجەتتىك جوسپارلاۋ باسقارمالارىنىڭ جۇمىستارىنا جەتەكشىلىك ەتەدى.
Abai.kz