قازاقستانداعى حالىقتىڭ نەسيە جۇكتەمەسى جاھاندىق دەڭگەيدەن ءالى دە تومەن، دەپ جازدى Ranking.kz.

ۇيىم ءۇي شارۋاشىلىقتارىنىڭ قارىزدارى مەن كرەديتتەرىنىڭ جالپى ىشكى ونىمگە ء(جىو) شاققانداعى قاتىناسىن باعالاي وتىرىپ، 2023 جىلدىڭ تولىق كورسەتكىشتەرىن جاريالادى.

تالداۋعا سايكەس، 2023 جىلدىڭ قورىتىندىسى بويىنشا قازاقستاندا بۇل كورسەتكىش نەبارى 15,2 پايىزدى كورسەتكەن. ياعني، ەلدەگى تۇرعىنداردىڭ بانكتىك جانە وزگە دە كرەديتتىك ۇيىمدار الدىنداعى مىندەتتەمەلەرى ەكونوميكا كولەمىنە شاققاندا ماردىمسىز.

سالىستىرىپ ايتقاندا، بۇل دەڭگەي حالىقارالىق ەسەپ ايىرىسۋ بانكى (BIS) بەلگىلەگەن جۇيەلىك تاۋەكەلدەر شەگىمەن سالىستىرعاندا ءتورت ەسەگە جۋىق تومەن. اتالعان شەككە سايكەس:

ءجىو-ءنىڭ 20%-ىنا دەيىنگى قارىز جۇكتەمەسى – وتە تومەن دەڭگەي.
60%-دان جوعارى دەڭگەي – ەكونوميكا مەن تۇتىنۋعا تەرىس اسەر ەتۋ ىقتيمالدىعى جوعارى.

وسىلايشا، قازاقستان الەمدەگى كرەديت الۋ دەڭگەيى ەڭ تومەن 15 ەلدىڭ قاتارىنا كىرىپ وتىر. بۇل حۆق ەسەپتەگەن 70 مەملەكەتتىڭ ىشىندە ايتارلىقتاي تومەن كورسەتكىش سانالادى.

كورشىلەس ەلدەر مەن دامىعان مەملەكەتتەردەگى جاعداي:

رەسەيدە ءۇي شارۋاشىلىقتارىنىڭ قارىزدارىنىڭ ءجىو-گە شاققانداعى ۇلەسى 22,19%-عا جەتكەن. بۇل قازاقستانمەن سالىستىرعاندا شامامەن 7 پايىزدىق تارماققا ارتىق.

قىتايدا اتالعان كورسەتكىش 63,67% بولىپ تىركەلگەن. ياعني، BIS بەلگىلەگەن 60%-دىق شەكتەن جوعارى.

دامىعان ەلدەردە بۇل كورسەتكىش ايتارلىقتاي جوعارى:
• كانادا – 102,21%
• شۆەيتساريا – 126,5%
• اقش – 72,9%
• ۇلىبريتانيا – 77,8%
• شۆەتسيا – 83,4%
• نورۆەگيا – 86,48%
• فرانتسيا – 62,63%
• جاپونيا – 65,66%
• وڭتۇستىك كورەيا – 93,54%

ەكونوميكاسى دامىپ كەلە جاتقان ەلدەرگە كەلسەك، كورسەتكىشتەر بىلايشا:
• برازيليا – 34,9%
• چيلي – 46,34%
• ءۇندىستان – 39,16%
• وار (وڭتۇستىك افريكا رەسپۋبليكاسى) – 33,92%
• تايلاند – 86,88%
• مالايزيا – 69,41%.

Abai.kz