قازاقستاندىق قوعامدىق دامۋ ينستيتۋتى توقسان سايىن ەلىمىزدىڭ بارلىق وڭىرلەرىندە سوتسيولوگيالىق زەرتتەۋدىڭ كەڭ تارالعان ءادىسى جاپپاي ساۋالناما جۇرگىزەدى.

«قازاقستاندىق قوعامدىق دامۋ ينستيتۋتى» كەاق باسقارماسىنىڭ توراعاسى نۇربەك ءماتجانيدىڭ ايتۋىنشا، 2400 ادامعا face to face ساۋالناماسىندا نەگىزگى كورسەتكىشتەر بويىنشا، ونىڭ ىشىندە قر پرەزيدەنتى مەن ۇكىمەتتىڭ باستامالارىن قولداۋ بويىنشا سۇراقتار قويىلادى. ورتالىق كوممۋنيكاتسيالار قىزمەتىنىڭ پودكاستىندا ققدي باسشىسى بىرقاتار ناتيجەلەرگە توقتالدى. رەسپوندەنتتەردىڭ باسىم بولىگى، ياعني 80,2% پرەزيدەنت قاسىم-جومارت توقاەۆقا سەنىم بىلدىرگەن. ساۋالناماعا قاتىسۋشىلاردىڭ مەملەكەت باسشىسىنا نە سەبەپتى سەنەتىنى تۋرالى ەڭ ءجيى ايتقان جاۋاپتارى: شەتەلدەرمەن ارادا جانجال بولماۋى، كەمەل ساياسات جۇرگىزۋى، جاڭا باعدارلامالاردى جۇزەگە اسىرۋى، ءومىر ءسۇرۋ ساپاسىن جاقسارتۋ، ەلدەگى تۇراقتىلىق.

«سونىمەن قاتار، رەسپوندەنتتەردىڭ كوبى، ياعني 80,7% قازىرگى پرەزيدەنتتىڭ قىزمەتىن قولدايتىنىن ايتىپ، مىنا باستامالاردى ەڭ ءساتتى دەپ ەسەپتەگەن. بۇل «ۇلتتىق قور – بالالارعا» جوباسى، 2025 جىلعى 1 قاڭتاردان باستاپ زەينەتاقىنى كوتەرۋ، ستۋدەنتتەردىڭ شاكىرتاقىسىن ارتتىرۋ، 2025 جىلدى جۇمىسشى ماماندىقتار جىلى دەپ جاريالاۋ جانە «كەلەشەك» مەملەكەتتىك ءبىلىم بەرۋ جيناقتاۋ جۇيەسى»، - دەدى نۇربەك ماتجاني.

ققدي ۇكىمەتتىڭ جۇمىسىنا دا بايلانىستى ساۋالناما جۇرگىزەدى. زەرتتەۋ قورىتىندىسى بويىنشا ۇكىمەتكە دەگەن قولداۋ وتە جوعارى.

«ءبىزدىڭ ساۋالنامامىزعا سايكەس قر ۇكىمەتىنە دەگەن قوعامنىڭ سەنىم دەڭگەيى 71,7%. رەسپوندەنتتەردىڭ 84,8 % كوڭىل كۇيلەرىنىڭ جاقسى ەكەنىن كورسەتكەن. ەلدەگى جاعدايدى 75,1% تۇراقتى، ءارى جايلى دەپ سيپاتتاعان»، - دەدى سپيكەر.

Abai.kz