ولجاس بەكتەنوۆ Chevron باسشىسى مايكل ۋيرتپەن مۇناي گاز سالاسىنداعى ىنتىماقتاستىق جانە تەڭىز توڭىرەگىندە ونەركاسىپ كلاستەرىن قۇرۋ ماسەلەلەرىن تالقىلادى.

پرەمەر-مينيستر ولجاس بەكتەنوۆ Chevron كومپانياسى ديرەكتورلار كەڭەسىنىڭ توراعاسى جانە باس اتقارۋشى ديرەكتورى مايكل ۋيرتپەن مۇناي ءوندىرۋ جانە مۇناي وڭدەۋ سالاسىنداعى ءوزارا ءىس-قيمىل ماسەلەلەرى بويىنشا كەزدەسۋ وتكىزدى.

سۋرەت: primeminister.kz سايتىنان الىندى.

تاراپتار قولدانىستاعى بىرلەسكەن جوبالاردى ىسكە اسىرۋدى، KPI العاشقى پوليپروپيلەن زاۋىتى جۇمىسى مەن قۋاتتىلىعى جىلىنا 1,25 ملن توننا ءونىم وندىرەتىن ءىرى پوليەتيلەن كەشەنىن سالۋ اياسىندا وتاندىق مۇناي-گاز حيمياسىن دامىتۋ پەرسپەكتيۆالارىن تالقىلادى. سونداي-اق قاراشىعاناق كەن ورنىندا قۋاتتىلىعى جىلىنا 4,5 ملرد تەكشە مەتر شيكى گاز وندىرەتىن جاڭا گاز وڭدەۋ زاۋىتىن سالۋ ماسەلەلەرى قارالدى.

تەڭىز كەن ورنىندا كەلەشەك كەڭەيتۋ جوباسىن (ككج) ىسكە اسىرۋعا نازار اۋدارىلدى. ولجاس بەكتەنوۆ ىشكى قوسىلعان قۇندى ۇلعايتۋعا باعدارلانعان تەڭىز بازاسىندا ونەركاسىپتىك كلاستەردى دامىتۋ ارقىلى جەرگىلىكتى قامتۋدى ودان ءارى ۇلعايتۋ قاجەتتىگىن اتاپ ءوتتى. بۇل شاعىن جانە ورتا بيزنەستىڭ دامۋىنا ۇلكەن سەرپىن بەرەدى. سونىمەن قاتار ەنەرگەتيكا مينيسترلىگىنىڭ ۇسىنىمدارىن ەسكەرە وتىرىپ، تەڭىز قورلارىن ۇتىمدى يگەرۋ ءۇشىن جوبالىق شەشىمدەردى وزەكتەندىرۋ، سونداي-اق ونەركاسىپتىك قاۋىپسىزدىكتىڭ جوعارى دەڭگەيىن قولداۋ جونىندەگى باعدارلامانى دايىنداۋ قاجەتتىلىگى اتاپ ءوتىلدى.

سونداي-اق مۇناي تاسىمالداۋ باعىتتارىن ءارتاراپتاندىرۋ جانە ەنەرگورەسۋرستاردى جەتكىزۋدىڭ جاڭا تىزبەكتەرىن قۇرۋ ماسەلەلەرى تالقىلاندى.

Abai.kz