ىشكى ىستەر مينيسترلىگى مەن ۇلتتىق قاۋىپسىزدىك كوميتەتىنىڭ قىزمەتكەرلەرى باس پروكۋراتۋرانىڭ ۇيلەستىرۋىمەن اباي، جەتىسۋ، شىعىس قازاقستان جانە تۇركىستان وبلىستارىندا التىن قۇرامدى ماتەريالداردى زاڭسىز ءوندىرۋ جانە وڭدەۋمەن اينالىسقان بەس كاسىپورىننىڭ قىزمەتىن توقتاتتى، - دەپ حابارلايدى Polisia.kz.

- تەكسەرۋ بارىسىندا بۇل كومپانيالاردىڭ تەك گەولوگيالىق بارلاۋ جۇرگىزۋگە ليتسەنزيالارى بولا تۇرا، ارنايى تەحنيكا مەن وندىرىستىك جابدىقتاردى پايدالانا وتىرىپ، التىن قۇرامدى كەندى كەڭ كولەمدە زاڭسىز وندىرگەنى انىقتالدى.​

جۇرگىزىلگەن ءتىنتۋ شارالارى بارىسىندا 6 700 توننادان استام التىن قۇرامدى كەن، 300 توننا سۇيىق كەن (پۋلپا), 120 توننا سەليترا، سونداي-اق جارىلعىش زاتتار مەن دەتوناتورلار تاركىلەندى.

سونىمەن قاتار وقيعا ورىندارىنان 45 بىرلىك ارنايى تەحنيكا الىندى.​ پوليتسياعا 62 ادام، ونىڭ ىشىندە بىرنەشە جشس ديرەكتورلارى مەن قۇرىلتايشىلارى جەتكىزىلدى.​

انىقتالعان زاڭ بۇزۋشىلىقتار بويىنشا قۇرامىندا باعالى مەتالدار بار شيكىزاتتىڭ زاڭسىز اينالىمى فاكتىلەرى بويىنشا بەس قىلمىستىق ءىس تىركەلدى. مەملەكەتكە اسا ءىرى كولەمدە زالال كەلتىرىلگەنى انىقتالدى، - دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.

Abai.kz