25 ساۋىردە استانادا ەسىرتكى قىلمىسىنا قارسى كۇرەستە جانە قالانىڭ تازالىعى ءۇشىن باس قوسقان جاستار مەن ەرىكتىلەردىڭ قاتىسۋىمەن جاپپاي فلەشموب ءوتتى، دەپ حابارلايدى ەلوردا اكىمدىگىنىڭ رەسمي سايتى.

ەلوردادا «قازاقستاندىق كۇن» مونۋمەنتىنىڭ جانىندا «استانا – ەسىرتكىسىز قالا!» اتتى فلەشموب ءوتتى. ءىس-شارانى ەلوردالىق پروكۋراتۋرا مەن ءبىلىم بەرۋ مەكەمەلەرىنىڭ قولداۋىمەن استانا پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى ۇيىمداستىردى. ءىس-شاراعا قالانىڭ ءتۇرلى وقۋ ورىندارىنان 500 جاس قاتىستى.

سۋرەت: استانا قالاسى اكىمدىگىنىڭ رەسمي سايتىنان الىندى.

جاس قاتىسۋشىلار ەلوردا تۇرعىندارىن تازالىق پەن ءتارتىپ ءۇشىن جەكە جاۋاپكەرشىلىك بار ەكەنىن ەستە ساقتاۋعا شاقىرا وتىرىپ، «تازا قازاقستان» جازۋىن ساپ تۇزەپ بەينەلەدى. فلەشموب اياسىندا ەكولوگيالىق مادەنيەت پەن سالاۋاتتى ءومىر سالتىنىڭ ماڭىزدىلىعىن ەسكە سالاتىن ءتۇرلى ۇراندار ايتىلدى.

سۋرەت: استانا قالاسى اكىمدىگىنىڭ رەسمي سايتىنان الىندى.

ءىس-شارانىڭ ماقساتى – وسكەلەڭ ۇرپاققا ەسىرتكىنىڭ زيانىن ءتۇسىندىرۋ، بالالار مەن جاسوسپىرىمدەردە ەسىرتكى قىلمىسىنا تونەتىن قاۋىپ-قاتەرلەرگە تۇراقتى توسقاۋىل قالىپتاستىرۋ جانە جاستارعا تازالىق پەن جاۋاپكەرشىلىك مادەنيەتىن ۇيرەتۋ.

استانا پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ باستىعى رۋستام عازيزوۆ اتاپ وتكەندەي، ءىس-شارا ەسىرتكىگە تاۋەلدىلىكتىڭ الدىن الۋ جانە ەسىرتكى بيزنەسىنە قارسى ءىس-قيمىل جونىندەگى كەشەندى باعدارلامانىڭ ءبىر بولىگى بولدى.

سۋرەت: استانا قالاسى اكىمدىگىنىڭ رەسمي سايتىنان الىندى.

«ءبىزدىڭ فلەشموبىمىز «تازا قازاقستان» ۇلتتىق اكتسياسىنا ورايلاستىرىلعان جانە تۇراقتى پروفيلاكتيكالىق جۇمىس اياسىندا وتكىزىلەدى. ءبىز ەلوردا جاستارىن بارىنشا قامتۋعا تىرىسامىز، بالالاردىڭ بويىندا تازالىق دەگەن نە ەكەنىن سانالى تۇردە تۇسىنۋگە تىرىسامىز. مۇنداي ءىس- شارالار وقۋشىلار ءۇشىن پايدالى، ويتكەنى ولار ماڭىزدى قۇندىلىقتاردى قالىپتاستىرادى: جامان ادەتتەردەن باس تارتۋ، قورشاعان ورتاعا قامقورلىق جاساۋ جانە بەلسەندى ازاماتتىق ۇستانىم»، – دەپ اتاپ ءوتتى رۋستام عازيزوۆ.

فلەشموب اياقتالعاننان كەيىن پوليتسيا قىزمەتكەرلەرى سەنبىلىكتى ورتالىق ساياباقتا وتكىزدى.

سۋرەت: استانا قالاسى اكىمدىگىنىڭ رەسمي سايتىنان الىندى.

فلەشموب جاستاردىڭ ناقتى وڭ وزگەرىستەرگە قالاي اسەر ەتە الاتىندىعىنىڭ ۇلگىسى بولدى. وقۋشىلاردىڭ كوپ بولۋى ەرتە جاستان باستاپ سانالى ازاماتتىق ۇستانىمدى تاربيەلەۋدىڭ ماڭىزدىلىعىن كورسەتەدى.

Abai.kz