«قازاۆتوجول» ۇك» اق باسقارما توراعاسى دارحان يماناشەۆ «Jibek Joly» تەلەارناسىنداعى جۋرناليست ەربولات مۇحامەدجان جۇرگىزەتىن «ۋادە» اۆتورلىق باعدارلاماسىنا سۇحبات بەردى. سۇحبات بارىسىندا  ول قازاقستاندا اقىلى جولداردىڭ باعاسىنا بايلانىستى پىكىر ءبىلدىردى.

«2013 جىلدان باستاپ اقىلى جولدار ءبىزدىڭ ەلىمىزدە ەنگىزىلدى. سودان بەرى باعاسى كوتەرىلگەن جوق. 1 تەڭگە = 1 شاقىرىم بولدى. 2023 جىلى 20%-عا قىمباتتادى. سودان كەيىن مىنە بيىل تاعى ورتاشا 27-28%-عا قىمباتتادى. ەندى ناقتى ايتساق، جەڭىل كولىكتەر 1 تەڭگە بولسا، قازىر 2-3 تەڭگە ءار نىسانعا بايلانىستى. اۋىر جۇك كولىكتەر 32 تەڭگە بولدى. قازىر 36,7 تەڭگە كولەمىندە. سول جالپى ورتاشا ەسەپپەن 27-28%-عا ۇلعايدى.»

سونىمەن قاتار سپيكەر وزگە ەلدەردىڭ دە تاريفتەرىنە دە توقتالدى:

«باسقا ەلدەرمەن سالىستىرعاندا، رەسەي مەن بەلارۋس رەسپۋبليكاسىمەن سالىستىرساق، جەڭىل كولىكتەرگە شاقىرىمى 7 تەڭگە. بەلارۋستا، قاتتى قاتەلەسپەسەم، 20 تەڭگە. جۇك كولىكتەرى ءۇشىن رەسەيدە — 60-70 تەڭگە شاماسىندا، بەلارۋستا — 70-80 تەڭگە كولەمىندە. ال پولشا مەن قىتايدى الساق، ولاردا 90-250 تەڭگە ارالىعىندا.»

ونىڭ ايتۋىنشا، قازاقستاندىق اقىلى جولداردىڭ ساپاسى شەتەلدىك ماگيسترالدەردەن كەم تۇسپەيدى:

«ءبىزدىڭ اقىلى جولدارىمىز، ماگيسترالدارىمىز ودان كەم ەمەس دەپ ويلايمىن. ويتكەنى قىتايدا بيىل قىستا بولدىم، جولدارىن تولىق كوردىم. تەحنولوگيا ءبىر، بىراق ەڭ ماعىنالى ماسەلە — كۇتىپ-ۇستاۋ جۇمىستارى. ۋاقىتىمەن جوندەۋ جاساۋ، تازالاۋ ماسەلەسى بىزدە قيىنداۋ بولىپ تۇر.

سۇحباتقا سىلتەمە:

Abai.kz