قازاقستاننىڭ مەملەكەتتىك قارىزى 31,9 ترلن تەڭگە بولدى.

بۇل ءجىو-گە شاققاندا 21,1 پايىزعا تەڭ.  بۇل تۋرالى قارجى ءمينيسترى ءمادي تاكيەۆ ماجىلىستەگى جالپى وتىرىسىندا ايتتى.

ءماجىلىس دەپۋتاتى تاتيانا ساۆەلەۆا مەملەكەتتىك قارىز مولشەرى قانداي ەكەنىن سۇرادى.

"1 ساۋىردەگى جاعداي بويىنشا مەملەكەتتىك قارىز 31,9 ترلن تەڭگەگە جەتتى. بۇل جالپى ىشكى ونىمگە شاققاندا 21,1 پايىزعا تەڭ. جالپى ايتقاندا، حالىقارالىق ينستيتۋتتار ءبىزدىڭ مەملەكەتتىك بورىش جوعارى دەڭگەيدە تۇرعان جوق ەكەنىن اتاپ ءوتتى. مەملەكەتتىك قارىزدىڭ مولشەرىن ازايتۋ ءۇشىن دەفيتسيتتى تومەندەتىپ، بيۋدجەتتىڭ كىرىس بولىگىن ارتتىرۋ كەرەك", – دەپ جاۋاپ بەردى مينيستر ءمادي تاكيەۆ.

ايتا كەتەيىك، بۇگىن ماجىلىستە رەسپۋبليكالىق بيۋدجەتتىڭ اتقارىلۋى تۋرالى ەسەپ ۇسىنىلدى.

Abai.kz