ساۋدا جانە ينتەگراتسيا مينيسترلىگى 19 مامىرداعى مالىمەت بويىنشا الەۋمەتتىك ماڭىزى بار 5 ءتۇرلى ازىق-تۇلىكتىڭ باعاسى تومەندەگەنىن حابارلادى.

ماۋسىمارالىق كەزەڭدە ازىق-تۇلىك باعاسىن تۇراقتاندىرۋ تەتىگىنە ساي، قىرىققابات — 5,3%-عا، جۇمىرتقا — 0,6%-عا، كۇرىش پەن كارتوپ — 0,2%-عا، سۇزبە — 0,1%-عا تومەندەدى. 6 تاۋار بويىنشا باعا وزگەرىسسىز قالدى. ءسابىز، پياز، كۇنباعىس مايى، ءسۇت، سيىر جانە سارى ماي، تۇز بەن قانتتا ازداعان قىمباتتاۋ تىركەلدى. جالپى اپتالىق ءوسىم — 0,2%.

بۇل وزگەرىستەر ماۋسىمارالىق كەزەڭمەن بايلانىستى: بىلتىرعى ءونىم اياقتالىپ، ەرتە ونىمدەر نارىققا شىعۋدا. بۇل باعانىڭ تۇراقتالۋىنا اسەر ەتەدى دەپ كۇتىلەدى.

— باعانى باقىلاۋ كۇشەيتىلىپ وتىر. 2025 جىلدىڭ باسىنان باستاپ وڭىرلەردە 500-دەن استام كوميسسيا وتىرىسى ءوتىپ، 1 900-دەن اسا قۇقىقبۇزۋشىلىق انىقتالدى. ساۋدا ۇستەمەسىن اسىرعاندار ەندى ايىپپۇلمەن جازالانادى. ەلەكتروندى شوت-فاكتۋرالار ارقىلى دەلدالدار ارەكەتىنە تالداۋ جۇرگىزىلۋدە. 5 600-دەن استام تىزبەك زەرتتەلىپ، 564-ىندە زاڭبۇزۋشىلىق قاۋپى انىقتالدى. بۇل شارالار نارىقتاعى دەلدالداردى ازايتىپ، باعانى تۇراقتاندىرۋعا باعىتتالعان، — دەلىنگەن حابارلامادا.

بۇعان دەيىن حابارلانعانداي، ازىق-تۇلىكتىڭ 11 تۇرىنە باعانىڭ ەڭ تومەنگى دەڭگەيى ەنگىزىلمەك.

Abai.kz