بۇل تۋرالى بۇگىن ۇكىمەت وتىرىسى بارىسىندا قازاقستان رەسپۋبليكاسىنىڭ تۋريزم جانە سپورت ءمينيسترى ەربول مىرزابوسىنوۆ مالىمدەدى. بيىل مەملەكەت باسشىسىنىڭ «تازا قازاقستان» باستاماسىن ىسكە اسىرۋ اياسىندا مينيسترلىك ەكوتۋريزمنىڭ ۇلتتىق ستاندارتىن جاڭارتۋ جۇمىستارىن جۇرگىزدى. ايتا كەتەيىك، بۇعان دەيىنگى ستاندارت 2017 جىلى بەكىتىلگەن بولاتىن.

بۇل شەشىم مەملەكەت باسشىسىنىڭ باستاماسىمەن قولعا الىنعان «تازا قازاقستان» رەسپۋبليكالىق اكتسياسىندا جۇزەگە اسىرىلىپ كەلە جاتقان جۇيەلى شارالاردىڭ ءبىر بولىگىنە اينالدى. سونداي-اق رەسپۋبليكالىق اكتسيا ەلىمىزدە ءتۋريزمدى دامىتۋ مەن ەكولوگيالىق مادەنيەتتى نىعايتۋعا باعىتتالعان.

ەكوتۋريزمدى دامىتۋ – تۋريزم سالاسىنداعى مەملەكەتتىك ساياساتتىڭ نەگىزگى باسىم باعىتتارىنىڭ ءبىرى. جاڭا ستاندارت تابيعاتقا ۇقىپتى قاراۋعا، سانالى كوزقاراس قالىپتاستىرۋعا، بيوالۋاندىقتى ساقتاۋعا جانە جاۋاپتى ءتۋريزمدى نىعايتۋعا باعىتتالعان.

سۋرەت: gov.kz سايتىنان الىندى.

نەگىزگى وزگەرىستەر:

-حالىقارالىق تاجىريگە نەگىزدەلگەن ەكوتۋريزم قاعيداتتارى العاش رەت ايقىندالىپ، رەسمي تۇردە بەكىتىلدى;

-تۋريستىك ۇيىمدار مەن كورسەتىلەتىن قىزمەتتەرگە قويىلاتىن تالاپتار ناقتىلادى;

-ءونىمنىڭ جانە كولىكتىڭ ەكولوگيالىق تازالىعى، تابيعاتتى جانە مادەني مۇرانى ساقتاۋ سياقتى كورسەتكىشتەردى قامتيتىن ساپا كريتەريلەرى بەكىتىلدى;

-ستاندارت تۇراقتى تۋريزم جونىندەگى جاھاندىق كەڭەستىڭ (GSTC) حالىقارالىق تاجىريبەسى مەن ۇسىنىستارىن ەسكەرە وتىرىپ ازىرلەندى.

جاڭارتىلعان قۇجات تۋريزم سالاسىنداعى بارلىق قاتىسۋشىلار ءۇشىن بىرىڭعاي ەرەجەلەر مەن باعىت-باعدارلاردى بەلگىلەپ، ينفراقۇرىلىمدى دامىتۋ مەن قورشاعان ورتانى قورعاۋ اراسىندا تەڭگەرىمدى قامتاماسىز ەتەدى.

جاڭارتىلعان قۇجات تابيعاتتى قورعاۋ مەن تۋريزم ينفراقۇرىلىمىن دامىتۋ اراسىنداعى تەپە-تەڭدىكتى قامتاماسىز ەتىپ، بارلىق تاراپتار ءۇشىن ورتاق ەرەجەلەر قالىپتاستىرادى.

Abai.kz