قوسقازاقستاندىق دزيۋدو تورەشىسى IJF حالىقارالىق دارەجەگە يە بولدى.

الماتى قالاسىندا حالىقارالىق دزيۋدو فەدەراتسياسىنىڭ (IJF) ۇيىمداستىرۋىمەن وتكەن دزيۋدو تورەشىلەرىنە ارنالعان حالىقارالىق ەمتيحان وزمارەسىنە جەتتى. ەمتيحاننىڭ پراكتيكالىق كەزەڭى بەكەت ماحمۇتوۆتى ەسكە الۋعا ارنالعان جاسوسپىرىمدەر مەنجاستار اراسىنداعى ازيا كۋبوگى اياسىندا ءوتتى. اتالعان جارىستا تورەلىك ەتكەن 11 ەلدەن كەلگەن 19 تورەشى ءوز كاسىبي بىلىكتىلىگىن دالەلدەدى.

ناتيجەسىندە قازاقستاندىق تورەشىلەر تيمۋر اجيموۆ (اقتوبە وبلىسى) پەن ءادىل بيسەنقۇلى (ماڭعىستاۋ وبلىسى) ءساتتى ناتيجە كورسەتىپ، IJF حالىقارالىق ساناتتاعى تورەشى (IJF International Category) اتاعىنا يە بولدى.

سونداي-اق، پولشا، ەگيپەت، وڭتۇستىك كورەيا، رەسەي، قىرعىزستان، ءۇندىستان، يران، نيدەرلاند،جاپونيا جانە ساۋد ارابياسىنان كەلگەن تورەشىلەر دە ەمتيحاننان سۇرىنبەي ءوتىپ، حالىقارالىق دارەجەگە قول جەتكىزدى.

تورەشىلەر جۇمىسىنا جانە ەمتيحان بارىسىنا حالىقارالىق دزيۋدو فەدەراتسياسىنىڭ باس رەفەري ديرەكتورلارى دانيەل لاسكاۋ مەن ارمەن

باگداساروۆ، ازيا دزيۋدو وداعىنىڭ (JUA) باس تورەشىلەر ديرەكتورى وساكا اكينابۋ مەن JUA رەفەري-ديرەكتورى اسحات جيتكەەۆ جەتەكشىلىك ەتتى.

ايتا كەتەيىك، قازىرگى تاڭدا قازاقستاندا 11 حالىقارالىق، 17 كونتينەنتالدىق جانە 20 ۇلتتىق دارەجەدەگى دزيۋدو تورەشىسى بار.

Abai.kz