ساۋدا سالاسىنا ەنگىزىلگەن تسيفرلىق جوبالار كاسىپكەرلەردى قاعازباستىلىقتان بوساتىپ، جۇمىس ۇدەرىسىن ايتارلىقتاي جەڭىلدەتتى.

ەندى زەرتحانالار مەن ءىرى كاسىپ يەلەرى بارلىق قاجەتتى قۇجاتتاردى تەحنيكالىق رەتتەۋدىڭ اقپاراتتىق جۇيەسى ارقىلى ونلاين راسىمدەي الادى.

جۇيە 5 نەگىزگى بولىمنەن تۇرادى:

1. اككرەديتتەۋ ءبولىمى
   → سوڭعى ءبىر جىلدا 8 مىڭنان استام قىزمەت كورسەتىلگەن.
2. سايكەستىكتى باعالاۋ ءبولىمى
   → 150-گە جۋىق قۇجات شىعارىلىپ، 620 سەرتيفيكاتتاۋ ءمودۋلى ىسكە قوسىلعان.
3. مەترولوگيا ءبولىمى
   → ولشەۋ قۇرالدارىن تەكسەرۋ تۋرالى ەسەپ تولىقتاي تسيفرلانعان.
4. مەملەكەتتىك باقىلاۋ ءبولىمى
   → قاداعالاۋشى ورگاندار ۇسىنىستار مەن حابارلاندىرۋلاردى جۇكتەيدى.
5. ستاندارتتاۋ ءبولىمى
   → 9 412 ۇلتتىق ستاندارت جاڭا فورماتتا تسيفرلاندى. ءاربىر ەلەكتروندى قۇجات QR-كودپەن راستالادى، بۇل ونىڭ تۇپنۇسقالىعىن تەكسەرۋدى جەڭىلدەتەدى.

بۇل جاڭاشىلدىق كاسىپكەرلەر ءۇشىن قۇجات اينالىمىن جەدەلدەتىپ قانا قويماي، اشىقتىق پەن سەنىمدىلىكتى قامتاماسىز ەتەدى.

Abai.kz