– سىندارلى وتكەن كەزدەسۋدە ەكى ەل اراسىنداعى بەيبىت كۇن تارتىبىنە قاتىستى كەڭ اۋقىمدى ماسەلەلەر تالقىلاندى، – دەپ حابارلادى.

ازەربايجان ءسىم مالىمدەمەسىندە تاراپتار نەگىزگى نازاردى مەملەكەتتىك شەكارانى دەليميتاتسيالاۋ ماسەلەسىنە اۋدارعانى، ەكى ەلدىڭ باسشىلارى وسى باعىتتا قول جەتكىزىلگەن پروگرەستى وڭ باعالاپ، ءتيىستى مەملەكەتتىك كوميسسيالارعا بۇل جۇمىستى جالعاستىرۋدى تاپسىرعانى ايتىلعان.

ارمەنيانىڭ سىرتقى ىستەر مينيسترلىگى دە شەكارانى دەليميتاتسيالاۋ سالاسىندا ىلگەرىلەۋ بارىن اتاپ ءوتىپ، سەنىمدى نىعايتۋ مەن قارىم-قاتىناستاردى قالىپقا كەلتىرۋ ماقساتىندا كەلىسسوزدەردى جالعاستىرۋعا دايىن ەكەنىن راستادى.

– تاراپتار اراسىنداعى ەكىجاقتى كەلىسسوزدەر – قالىپقا كەلتىرۋ پروتسەسىنە قاتىستى بارلىق ماسەلەلەردى تالقىلاۋدىڭ ەڭ ءتيىمدى فورماتى، جانە دە وسى نەگىزگە سۇيەنىپ، ناتيجەگە جەتۋدى كوزدەگەن مۇنداي ديالوگتى جالعاستىرۋ تۋرالى شەشىم قابىلداندى، – دەلىنگەن ارمەنيا ءسىم مالىمدەمەسىندە.

بۇعان قوسا، كەزدەسۋدە زانگەزۋر ءدالىزىن اشۋ جانە دامىتۋ، ەكى ەل اراسىندا بەيبىت كەلىسىمگە قول قويۋ جانە باسقا دا ماڭىزدى ماسەلەلەر تالقىلانعان.

يلحام اليەۆ پەن نيكول پاشينيان بۇعان دەيىن بيىل مامىردا تيرانا قالاسىندا ەۋروپالىق ساياسي وداق ءسامميتى اياسىندا كەزدەسكەن. ناۋرىزدا تاراپتار بەيبىت كەلىسىم ءماتىنى بويىنشا ۋاعدالاستىققا كەلدى. بىراق قاراباق جانجالىن رەتتەۋ جانە ايماق ماسەلەلەرى بويىنشا كەلىسپەۋشىلىكتەرگە بايلانىستى وعان ءالى كۇنگە دەيىن قول قويعان جوق.

Abai.kz