قازاقستاندا بالالار اراسىندا ءجيى كەزدەسەتىن 6 اۋرۋ ءتۇرى اتالدى.

دەنساۋلىق ساقتاۋ مينيسترلىگى دەرەگىنە سايكەس بالالار مەن جاسوسپىرىمدەر ساناتىنداعى ازاماتتار اراسىندا بىرقاتار اۋرۋ تۇرلەرى ءجيى كەزدەسەدى.

قازاقستاندا جاستار اراسىندا ەڭ كوپ تىركەلەتىن اۋرۋلار قانداي؟

رەسپيراتورلىق ينفەكتسيالار – جوعارعى تىنىس جولدارىنىڭ ۆيرۋستىق جانە باكتەريالىق اۋرۋلارى، ونىڭ ىشىندە تۇماۋ مەن پنەۆمونيا;

اس قورىتۋ جۇيەسىنىڭ بۇزىلۋى – گاستريت، گاستروەنتەريت جانە باسقا دا اسقازان-ىشەك اۋرۋلارى. مۇنىڭ باستى سەبەبى – دۇرىس تاماقتانباۋ;

اللەرگيالىق اۋرۋلار – اللەرگيالىق رينيت، دەمىكپە (استما), ەكزەما;

تىرەك-قيمىل اپپاراتىنىڭ اۋرۋلارى – سكوليوز جانە باسقا دا ومىرتقا قيسىقتىقتارى، اسىرەسە جاسوسپىرىمدەر اراسىندا كەڭ تارالعان;

پسيحيكالىق دەنساۋلىق ماسەلەلەرى – جاسوسپىرىمدەر اراسىندا دەپرەسسيا، مازاسىزدىق جانە وزگە دە پسيحيكالىق بۇزىلۋلار كوبەيىپ كەلەدى;

ۆاكتسيناتسيامەن الدىن الۋعا بولاتىن جۇقپالى اۋرۋلار – ءتيىستى ەكپەلەردىڭ جەتىسپەۋى بەلگىلى ءبىر ينفەكتسيالاردىڭ تارالۋىنا اكەلۋى مۇمكىن.

ۆەدومستۆوعا بۇعان اسەر ەتەتىن نەگىزگى فاكتورلاردى اتادى.

ەكولوگيالىق جاعداي – اۋانىڭ، سۋدىڭ جانە توپىراقتىڭ لاستانۋى رەسپيراتورلىق اۋرۋلاردىڭ كوبەيۋىنە سەبەپ بولادى. مۇنداي كورىنىستەر كوبىنە ءىرى ونەركاسىپ وشاقتارى شوعىرلانعان ايماقتاردا تىركەلەدى;

ءومىر سالتى – قيمىل-قوزعالىستىڭ ازدىعى، گادجەتتەردى شامادان تىس قولدانۋ، وتىرىقشى ءومىر ءسۇرۋ سالتى سەمىزدىك پەن تىرەك-قيمىل جۇيەسىنىڭ اۋرۋلارىنا سەبەپ;

دۇرىس تاماقتانباۋ – ديەتا قۇرامىندا دارۋمەن مەن مينەرالداردىڭ جەتىسپەۋشىلىگى، فاست-فۋدتىڭ ارتىق مولشەرى ءارتۇرلى اۋرۋلاردى قوزدىرادى;

تومەن ۆاكتسيناتسيا دەڭگەيى – بۇل الدىن الۋعا بولاتىن جۇقپالى اۋرۋلاردىڭ ءورشۋ قاۋپىن ارتتىرادى;

الەۋمەتتىك-ەكونوميكالىق جاعداي – وتباسىنىڭ تابىس دەڭگەيى، ساپالى مەديتسينالىق كومەك پەن بىلىمگە قولجەتىمدىلىك تە بالانىڭ دەنساۋلىعىنا تىكەلەي اسەر ەتەدى.