Energo University جانىنداعى Dala.edge كرەاتيۆتى تەحنولوگيالار پاركى كاسكەلەن قالاسىندا ورنالاسقان New York Film Academy (NYFA) قازاقستان كامپۋسىندا وقۋعا ارنالعان گرانتتار كونكۋرسىن جاريالايدى. بۇل بايقاۋ — كرەاتيۆتى يندۋستريالارعا قىزىعۋشىلىق تانىتقان جاستار ءۇشىن ۇلكەن مۇمكىندىك.

باعدارلاما اياسىندا ءبىر جىلدىق وقۋعا تولىق (100%) جانە ءىشىنارا (50%) گرانتتار كەلەسى باعىتتار بويىنشا بەرىلەدى:
• 3D-انيماتسيا جانە ۆيزۋالدى ەففەكتىلەر (3D Animation and VFX)
• گەيم-ديزاين (Game Design)

قاتىسۋ ءۇشىن تالاپكەرلەر:
• كرەاتيۆتى جۇمىس (پورتفوليو، يدەيا، كونتسەپت جانە ت.ب.) دايىنداۋى قاجەت
• 2025 جىلدىڭ 8 تامىزىنا دەيىن kaz.nyfa.edu رەسمي سايتى ارقىلى NYFA Kazakhstan-عا ءوتىنىم بەرۋى ءتيىس

ءوتىنىم بەرگەن بارلىق تالاپكەرلەر اۆتوماتتى تۇردە بايقاۋعا قاتىسۋشىلار قاتارىنا قوسىلادى.

گرانتتىق باعدارلاما شەتەلگە شىقپاي-اق حالىقارالىق دەڭگەيدەگى NYFA ديپلومىن الۋعا بىرەگەي مۇمكىندىك بەرەدى. وقۋ سوڭىندا بەرىلەتىن سەرتيفيكات نيۋ-يورك پەن لوس-اندجەلەستەگى كامپۋستاردا بەرىلەتىن قۇجاتتارعا تولىقتاي بالامالى. وقۋ ۇدەرىسى حالىقارالىق ستاندارتتارعا ساي جابدىقتالعان جوعارى تەحنولوگيالىق كامپۋستا، اقش-تان كەلگەن تاجىريبەلى وقىتۋشىلاردىڭ قاتىسۋىمەن وتەدى.

بايقاۋ جەڭىمپازدارى قوسىمشا تۇردە Dala.edge پاركىمەن ارنايى كەلىسىمشارتقا وتىرادى. بۇل كەلىسىم كەلەسى مۇمكىندىكتەردى قامتيدى:
• كرەاتيۆتى يندۋستريالار ەكوجۇيەسىنىڭ رەزيدەنتى بولۋ
• جوبالارىن جۇزەگە اسىرۋ ءۇشىن باسىم قارجىلاندىرۋ الۋ
• ستۋديالارعا، جابدىقتارعا، مەنتورلىق باعدارلامالار مەن كاسىبي قاۋىمداستىق رەسۋرستارىنا قول جەتكىزۋ

ەستەرىڭىزگە سالا كەتەيىك، NYFA قازاقستان كامپۋسى — اكادەميانىڭ ازياداعى جالعىز رەسمي فيليالى. 2025 جىلدىڭ 1 ناۋرىزىندا New York Film Academy پرەزيدەنتى مايكل يانگتىڭ قاتىسۋىمەن Energo University جانىنداعى كرەاتيۆتى يندۋستريالار پاركىندە فيليال اشۋ تۋرالى ونلاين كەلىسىمگە قول قويىلدى.

قوسىمشا اقپارات پەن بايقاۋعا قاتىسۋ شارتتارى مىنا سىلتەمەدە:
“Create and Win: NYFA Scholarship Contest 2025” – https://grants.nyfa-kaz.com/

Abai.kz