يلون ماسك ءوزىنىڭ جاساندى ينتەللەكتىسى – Grok-تىڭ بالالارعا ارنالعان نۇسقاسى ازىرلەنىپ جاتقانىن جاريالادى.

بۇل تۋرالى ميللياردەر بۇرىنعى Twitter, قازىرگى X الەۋمەتتىك جەلىسىندەگى پاراقشاسىندا جازدى.

ءبىز xAI جوباسى اياسىندا بالالار كونتەنتىنە باعىتتالعان Baby Grok-تى جاسايمىز، - دەدى ول.

The Economic Times باسىلىمىنىڭ حابارلاۋىنشا، بۇل سەرۆيس – قازىرگى Grok جۇيەسىنىڭ جەڭىلدەتىلگەن نۇسقاسى بولىپ تابىلادى. ول بالالارمەن قاۋىپسىز، تانىمدىق ءارى قىزىقتى قارىم-قاتىناس جاساۋعا ارنايى بەيىمدەلگەن.

Baby Grok – نەگىزگى Grok مودەلىنەن بولەك جۇمىس ىستەيتىن جەكە قوسىمشا رەتىندە ازىرلەنۋدە. بۇل قاتال مودەراتسيامەن قامتاماسىز ەتىلەتىن چات-بوت. ماقساتى – بالالار مەن جاسوسپىرىمدەر ءۇشىن قاۋىپسىز ءارى جاعىمدى تسيفرلىق ورتا قالىپتاستىرۋ.

Abai.kz