ەندى باس پروكۋروردىڭ قۇزىرەتىنە مىنالار كىرەدى:
— ساپ پروكۋرورىنىڭ وكىلەتتىگىن باسقا پروكۋرورلارعا تاپسىرۋ;
— كەز كەلگەن قىلمىستىق ءىستى سۇراتىپ الىپ، باسقا پروكۋرورلارعا بەرۋ;
— نابۋ-عا مىندەتتى تۇردە ورىندالۋى ءتيىس جازباشا نۇسقاۋلار بەرۋ;
— تەرگەۋ ىستەرىن نابۋ-دان الىپ، باسقا تەرگەۋ ورگاندارىنا جۇكتەۋ.

بۇل وزگەرىستەر ۋكراينانىڭ ەڭ ماڭىزدى جەمقورلىققا قارسى قۇرىلىمدارىنىڭ تاۋەلسىزدىگىنە قاۋىپ توندىرەدى.

ەۋروپالىق كوميسسيا بۇل زاڭعا دەيىن-اق الاڭداۋشىلىق بىلدىرگەن. ولار نابۋ مەن ساپ-تىڭ تاۋەلسىزدىگىن رەفورمالار مەن ۋكرايناعا كورسەتىلەتىن قارجىلىق كومەك شارتتارىنىڭ ءبىرى دەپ اتادى.

نابۋ مەن ساپ باسشىلارى زەلەنسكيگە زاڭعا قول قويماۋ جونىندە اشىق ۇندەۋ جولداعان. ولار بۇل قۇجات انتيكوررۋپتسيالىق جۇيەنى جويۋمەن تەڭ دەپ سانايدى.

زاڭ قابىلدانعان سوڭ كيەۆ، لۆوۆ، ودەسسا، دنەپر جانە ءتىپتى سوعىس ءجۇرىپ جاتقان سۋمى قالالارىندا دا نارازىلىق شەرۋلەرى ءوتتى. حالىق پرەزيدەنتتەن زاڭدى ۆەتوعا جىبەرۋدى تالاپ ەتتى.

Abai.kz