ادۆوكات مەيىرمان شەكەەۆ شەرزات بولاتتىڭ ولىمىنە بايلانىستى سوتتالعانداردىڭ ءبىرى – دۋمان ىسقاق بوستاندىققا شىققانىن مالىمدەدى.

ادۆوكاتتىڭ ايتۋىنشا، الماتى وبلىستىق سوتىنىڭ قىلمىستىق ىستەر جونىندەگى سوت القاسىنىڭ سۋدياسى مۇسابەكوۆا 2025 جىلعى 23 شىلدەدە شىعارعان قاۋلى نەگىزىندە، دۋمان ىسقاقتىڭ بۇلتارتپاۋ شاراسى جويىلىپ، ول قاماۋدان بوساتىلعان.

دۋمان ىسقاق ءبىرىنشى ساتىداعى ۇكىمدەگى جازانى وتەپ قويعاندىقتان، سوت قاۋلىسىمەن بوساتىلدى، – دەدى مەيىرمان شەكەەۆ.

ادۆوكات سونىمەن بىرگە اپەللياتسيالىق سوت وتىرىسىنىڭ ناقتى ۋاقىتىن دا حابارلادى.

شەكەەۆتىڭ سوزىنشە، شەرزات ءىسى بويىنشا اپەللياتسيالىق سوت 2025 جىلعى 18 تامىزدا ساعات 11:00-دەالماتى وبلىسى سوتىنىڭ عيماراتىندا وتەدى.

ەسكە سالايىق، بۇعان دەيىن شەرزات بولاتتى ءولتىردى دەگەن كۇدىكپەن سوتتالعان جەتى ادام ۇكىمگە قاتىستى اپەللياتسيالىق شاعىم تۇسىرگەن ەدى.

ادۆوكات مەيىرمان شەكەەۆتىڭ مالىمەتىنشە، سوت ۇكىمى 21 ماۋسىمدا زاڭدى كۇشىنە ەنگەن، جانە سوتتالۋشىلارعا 15 كۇن ىشىندە اپەللياتسيالىق شاعىم بەرۋگە مۇمكىندىك بەرىلگەن.

قازىردىڭ وزىندە سوتتالۋشىلار مەن ولاردىڭ قورعاۋشىلارىنىڭ باسىم بولىگى شاعىم بەردى. تەك شىڭعىس بەلعوجاەۆ پەن كامەلەتكە تولماعان دۋمان ىسقاقتان باسقا سوتتالعانداردىڭ بارلىعى اپەللياتسيالىق شاعىم تۇسىرگەن. اپەللياتسيالىق سوتتىڭ ناقتى كۇنى كەيىنىرەك حابارلانادى، – دەدى قورعاۋشى.

ايتا كەتەيىك، 2025 جىلعى 5 ماۋسىمدا تالعار اۋداندىق سوتى ءجاسوسپىرىم شەرزات بولاتتى ءولتىرۋ ءىسى بويىنشا ۇكىم شىعارعان بولاتىن. سوت پروتسەسىن سۋديا ەرجان جانۇزاقوۆ جۇرگىزدى.

سوت ۇكىمىمەن:

• ابزال شىناسىل – 23 جىلعا،
• راۆيل ساكيەۆ – 20 جىلعا،
• ازامات توقتاۋباەۆ – 15 جىلعا،
• نۇرقياس ءىلياسوۆ – 9 جىلعا (بۇعان دەيىنگى 2,5 جىل شەكتەۋ جازاسىن ەسكەرە وتىرىپ),
• شىڭعىس بەلعوجاەۆ، دارحان اسكەنتاي، نۇربول توقتاۋباەۆ، ديدار قالياحمەت – ارقايسىسى 7 جىلعا سوتتالدى،

ال دۋمان ىسقاق قر قىلمىستىق كودەكسىنىڭ 434-بابى (اۋىر قىلمىس جاسالعانىن حابارلاماۋ) بويىنشا 1,5 جىلعا باس بوستاندىعىنان ايىرىلدى. ونىڭ يزولياتورداعى ءبىر كۇنى ەكى كۇن رەتىندە ەسەپتەلەتىن بولدى.

بۇعان دەيىن حابارلاعانىمىزداي، 2025 جىلعى 5 ماۋسىم كۇنى شەرزات بولات ءىسى بويىنشا 9 سوتتالۋشىعا ۇكىم شىقتى.ال مەملەكەتتىك ايىپتاۋشى دانا سارسەنباي مارقۇم شەرزات بولاتتى ءتىرى بولۋعا لايىق ەدى دەپ مالىمدەدى. سونداي-اق ول شەرزات ءىسى بويىنشا قوعامدا ۇرەي بار ەكەنىن ايتتى.

Abai.kz