جيىنعا ۇلتتىق بانك، تۋريزم جانە سپورت مينيسترلىگى مەن باسقا دا مۇددەلى مەملەكەتتىك ورگانداردىڭ وكىلدەرى قاتىستى. 

جيىندا ينتەرنەتتە كەڭىنەن تارالعان زاڭسىز قۇمار ويىنداردان تۋىنداپ وتىرعان وزەكتى قاۋىپتەر تالقىلاندى. سونداي-اق، قارجىلىق اعىنداردى باقىلاۋ جانە زاڭسىز ويىن قىزمەتىنە توسقاۋىل قويۋ جولدارى قاراستىرىلدى. قاتىسۋشىلار بىرلەسىپ، قاداعالاۋدى كۇشەيتۋ جانە الدىن الۋ شارالارىن جەتىلدىرۋ بويىنشا ءتيىمدى تاسىلدەر ازىرلەدى.

بيىل ەلىمىزدە زاڭسىز ويىن بيزنەسىن ۇيىمداستىرۋ فاكتىلەرى 22,2%-عا (45-تەن 32-گە دەيىن) تومەندەگەن. ونلاين-كازينولارعا اقشا اۋدارۋ ءۇشىن پايدالانىلعان 50-دەن استام بانك شوتى انىقتالىپ، بۇعاتتالعان. تىيىم سالىنعان ينتەرنەت-رەسۋرستارعا قول جەتكىزۋدى شەكتەۋ جۇمىستارى جالعاسىپ جاتىر.

ءماجىلىس قورىتىندىسى بويىنشا مەملەكەتتىك ورگاندارعا تسيفرلىق باقىلاۋ، قارجىلىق مونيتورينگ پەن توسقاۋىل قويۋ باعىتىندا قوسىمشا شارالار قابىلداۋ تاپسىرىلدى.

باس پروكۋراتۋرا قر قىلمىستىق كودەكسىنىڭ 307-بابى بويىنشا، زاڭسىز ويىن بيزنەسىن ۇيىمداستىرعانداردىڭ دۇنيە-مۇلكى تاركىلەنىپ، 7 جىلعا دەيىن باس بوستاندىعىنان ايىرىلاتىنىن ەسكەرتەدى.

Abai.kz