شەرزات پولاتتىڭ ولىمىنە قاتىستى ايىپتالعان 8 سوتتالۋشىعا قاتىستى اپپەلياتسيالىق سوت الماتى وبلىسىندا وتەدى. 

الماتى وبلىسى سوتىنىڭ مالىمەتىنشە، قىلمىستىق ءىس 2025 جىلدىڭ 18 تامىز كۇنى ساعات 11:00–دە وبلىستىق سوت عيماراتىندا قايتا قارالادى. اتالعان ءىس بويىنشا:

ا.شىناسىل — قازاقستان رەسپۋبليكاسى قىلمىستىق كودەكسىنىڭ 293-بابىنىڭ 3-بولىگى، 99-بابىنىڭ 2-بولىگىنىڭ 5, 9, 14 تارماقشالارى، 24-بابىنىڭ 3-بولىگى جانە 99-بابىنىڭ 2-بولىگىنىڭ 1, 7, 9 تارماقشالارى بويىنشا;

ر.ساكيەۆ — 293-باپتىڭ 3-بولىگى، 24-باپتىڭ 3-بولىگى جانە 99-باپتىڭ 2-بولىگىنىڭ 7, 9 تارماقشالارى بويىنشا;

ا.توقتاۋباەۆ — 293-باپتىڭ 3-بولىگى جانە 188-باپتىڭ 1-بولىگى بويىنشا;

ش. بەلعوجاەۆ، د.اسكەنتاي، ن.ءىلياسوۆ، ن.توقتاۋباەۆا جانە د.قالياحمەت — 293-باپتىڭ 3-بولىگى بويىنشا;

د. ىسقاق — 434-باپ بويىنشا سوتتالعان.

سونداي-اق الماتى وبلىسىنىڭ سوتى د. ىسقاققا تاعايىندالعان جازا مەرزىمىنىڭ تولىق وتەلۋىنە بايلانىستى بوساتىلعانىن راستادى.

بۇعان دەيىن جابىرلەنۋشى تاراپتىڭ ادۆوكاتى بولعان مەيىرمان شەكەەۆ ايىپتالۋشىلاردىڭ ءبىرى جازاسىن وتەۋىنە بايلانىستى بوستاندىققا شىققانىن حابارلاعان ەدى.

ەسكە سالايىق، بىلتىر 4 قازان كۇنى توبەلەستەن 16 جاستاعى شەرزات پولات قازا بولدى.

بۇل ءىس بويىنشا بارلىعى 9 ادام 23 جىلدان 1,5 جىلعا دەيىن سوتتالدى.

Abai.kz