2025 جىلدىڭ ماۋسىم ايىندا قازاقستاندا اۆتوكولىك وتكەن جىلدىڭ سايكەس كەزەڭىمەن سالىستىرعاندا 11,6%-عا قىمباتتادى. بۇل ەاەو ەلدەرى اراسىنداعى ەڭ جوعارى كورسەتكىش.

زەرتتەۋگە سايكەس، ەۋرازيالىق ەكونوميكالىق وداقتىڭ باسقا مەملەكەتتەرىندە باعانىڭ ءوسۋى ايتارلىقتاي تومەن بولدى. ماسەلەن، رەسەيدە اۆتوكولىك بار بولعانى 1,4%-عا، قىرعىزستاندا – 0,2%-عا قىمباتتادى، ال ارمەنيا مەن بەلارۋستە 2024 جىلدىڭ ماۋسىمىمەن سالىستىرعاندا كولىك باعاسى تومەندەدى. ەاەو-دا ورتاشا ءوسىم 2,2%-دى قۇرادى.

قازاقستاندا 2025 جىلدىڭ ءبىرىنشى جارتىجىلدىعىندا اۆتوكولىكتەر 9,3%-عا قىمباتتاسا، رەسەيدە 2,8%-عا قىمباتتادى. وداقتىڭ باسقا ەلدەرى ايتارلىقتاي وزگەرىستەردى تىركەگەن جوق.

ءبىز جاڭا كولىكتەر قۇنىنىڭ كۇرت وسكەنىن بايقاپ وتىرمىز. ولار ءبىر جىل ىشىندە 21,3%-عا قىمباتتادى. سونىمەن بىرگە ەسكى كولىك باعاسى تومەندەدى، - دەپ اتاپ ءوتتى ءبىرىنشى كرەديتتىك بيۋرو.

سونىمەن قاتار قازاقستاندا ەاەو ەلدەرى اراسىندا ازىق-تۇلىك ەمەس تاۋارلار مەن قىزمەتتەر باعاسى ەڭ كوپ قىمباتتاعان. ال ازىق-تۇلىك تاۋارلارىنىڭ باعاسى بىرقالىپتى وسكەن، ءتىپتى وداقتىق ورتاشا دەڭگەيدەن تومەن بولدى.