2025 جىلدىڭ 23 قازانىندا قازاقتىڭ ۇلى كومپوزيتورى ءشامشى قالداياقوۆتىڭ 95 جىلدىعى اياسىندا جاڭا ميۋزيكل فيلم ەكراندارعا جول تارتپاق. فيلم تولىعىمەن كومپوزيتوردىڭ اندەرىمەن شابىتتانا وتىرىپ وندىرىلگەن.  

ءفيلمنىڭ باس پروديۋسەرى ءارى رەجيسسەرى New York Film Academy تۇلەگى سانات شاپاشوۆتىڭ مالىمەتىنشە، فيلم ءۇشىن ارنايى ش. قالداياقوۆتىڭ 13 ءانى سيمفونيالىق وركەستر سۇيەمەلىمەن جازىلىپ، ساۋندترەك رەتىندە ۇسىنىلادى. ءفيلمنىڭ شىعارماشىلىق توبىنا كومپوزيتوردىڭ ۇلى مۇحتار قالداياقوۆ پەن كەلىنى بوتاگوز قالداياقوۆا دا قولداۋ كورسەتۋدە. بۇل رەجيسسەردىڭ دەبيۋتى. وسىعان دەيىن سانات شاپاشوۆ ۇلكەن مۋزىكالىق تۆ جوبالار ارقىلى جانە  «كازاحي» كۆن كومانداسى رەزيدەنتى رەتىندە تانىمال. 

فيلم تۇسىرىلىمدەرى ءۇشىن ارنايى گولليۆۋدتىڭ ايگىلى كينوتۋىندىلارىن تۇسىرگەن يننوۆاتسيالىق كينوكامەرا الدىرىلدى.  

فيلم ءبىر ايدىڭ ىشىندە تولىعىمەن قازاق تىلىندە جانە ەپيزودتار  ەلوردانىڭ كوركەم جەرلەرىندە تۇسىرىلگەن. «باقىت قۇشاعىندا» jukebox ميۋزيكلى ءۇشىن ءبىر ءتۇسىرىلىم الاڭىنا 230گە جۋىق اكتەر باس قوسقان ەڭ ۇلكەن ماسسالىق كورىنىستەر بار. بۇل كادردا بيشىلەر ءشامشى قالداياقوۆتىڭ ايگىلى انىنە بي ەپيزودتارىن ورىندايدى. سونىمەن قاتار، فيلمدە 80 ادام بىردەن قاتىسقان ماسسالىق كورىنىستەر دە تۇسىرىلگەن بولاتىن. ارنايى حورەوگراف فيلمدەگى بيلەردى ءبىر اي كولەمىندە ارنايى قويىپ، دايىندىقتان وتكىزدى.  

ميۋزيكل قازاق كينوسى تاريحىندا كورەرمەن ءۇشىن مادەني، اقپاراتتىق تانىمعا جول اشاتىن كوركەم تۋىندى رەتىندە ءوز ورنىن الادى دەگەن سەنىم بار. بۇل كارتينا ەلىمىزدەگى كرەاتيۆتى يندۋسترياسىنىڭ دامۋىنا دالەل بولاتىن تۋىندى.  فيلمدە بىرنەشە جانر مەن بىرنەشە شىعارماشىلىق كرەاتيۆكە ورىن تابىلدى.  

كينولەنتا  قازىرگى قوعامداعى قازاق قىزدارىنىڭ وزەكتى ماسەلەلەرى، ماحابباتقا سەنىم مەن ادال دوستىق تاقىرىبىن تەرەڭىنەن اشا تۇسەدى. يدەولوگيالىق ميسسيا رەتىندە اناعا قۇرمەت، وتباسى ينستيتۋتىنىڭ بەرىكتىگى، ادال مىنەز بەن شىنايى قارىم-قاتىناس تاقىرىپتارى دا تاڭدالدى.  

باستى رولدەردە داۋرەن سەرعازين، 5 جىلدىق ۇزىلىستەن كەيىن ۇلكەن كينوعا ورالعان ءاليا انۋاربەك، شاحمۇرات ورداباەۆ، ازامات ساتىبالدى، ايگۇل يمانباەۆا، اينۇر يلياسوۆا.  

فيلم وندىرىسىندە ەڭبەك ەتكەندەر: 

باس پروديۋسەر، رەجيسسەر: سانات شاپاشوۆ  

ستسەناري اۆتورلارى: سانات شاپاشوۆ، رينات سۇلەيمەنوۆ، انەل وسپانوۆا، پەريزات مىرزاحمەت 

مۋزىكالىق پروديۋسەرلەر: مۇحتار قالداياقوۆ، بوتاگوز قالداياقوۆا 

پروديۋسەر: انەل وسپانوۆا 

Digital پروديۋسەر: ايكەرىم ەسەنالى 

قويۋشى وپەراتور: ازامات جاڭابەكوۆ 

قويۋشى سۋرەتشى: رۋسلان وسپانوۆ 

حورەوگراف: ۋاليتبەك سيازبەك 

مۋزىكالىق وڭدەۋشى: نيكيتا كارەۆ 

انىقتاما:دجۋكبوكس ميۋزيكل –تانىمال اندەردى پايدالاناتىن ساحنالىق قويىلىم نەمەسە مۋزىكالىق فيلم. بۇل ميۋزيكلدەردە بەلگىلى ورىنداۋشىلاردىڭ ۇلكەن رەپەرتۋارى بار جانە سيۋجەتتەر كوبىنەسە ولاردىڭ ءومىرى مەن شىعارماشىلىعىنا نەگىزدەلگەن نەمەسە ميۋزيكل ءۇشىن ارنايى جاسالعان.

Abai.kz