بۇدان بىلاي اسكەرگە شاقىرۋ تۋرالى تەلەفونعا كەلگەن SMS رەسمي حابارلاما بولىپ ەسەپتەلەدى.

«اسكەري قىزمەتكە شاقىرۋدى ۇيىمداستىرۋ مەن جۇرگىزۋ قاعيدالارىن بەكىتۋ تۋرالى» قاۋلىعا وزگەرىستەر ەنگىزىلگەلى جاتىر.

قۇجات قوعامدىق تالقىلاۋعا شىعارىلدى. وندا «اسكەري قىزمەتكە شاقىرۋدى ۇيىمداستىرۋ مەن جۇرگىزۋ ءتارتىبىن ناقتىلاۋعا، اسكەرگە شاقىرۋدى كەيىنگە قالدىرۋدى مەملەكەتتىك قىزمەت كورسەتۋ ارقىلى ىسكە اسىرۋعا، اسكەري قىزمەتكە جاتاتىن ازاماتتاردىڭ تەلەفون نومىرلەرىنە SMS-حابارلامانى حابارلاندىرۋدىڭ ءتيىستى ءتۇرى دەپ تانىتۋعا باعىتتالعان» دەلىنگەن.

قۇجات جوباسى 9 قىركۇيەككە دەيىن قوعام تالقىلاۋىندا بولادى.

ەسكە سالايىق، بىلتىر جىل سوڭىندا اسكەرگە شاقىرۋ، بوساتۋ جانە كەيىنگە قالدىرۋ SMS-حابارلاما ارقىلى جەتكىزىلەتىنى ايتىلعان.

Abai.kz