اقش شىعىس ەۋروپا ەلدەرىنىڭ اسكەرىنە كومەك بەرۋىن توقتاتادى.

پەنتاگون شىعىس ەۋروپا ەلدەرىنىڭ قارۋلى كۇشتەرىن وقىتۋ جانە جابدىقتاۋ باعدارلاماسىن قارجىلاندىرۋدى توقتاتپاق. بۇل اق ءۇي باسشىسى دونالد ترامپتىڭ شەتەلگە بەرىلەتىن كومەكتى قايتا قاراۋ جانە قايتا ءبولۋ ساياساتىنا بايلانىستى.

Financial Times جازۋىنشا، بۇل اقش قورعانىس مينيسترلىگىنىڭ 333-ءبولىم اياسىنداعى باعدارلاماسىنا قاتىستى. پەنتاگون وداقتاس ەلدەردىڭ اسكەري قىزمەتكەرلەرىن وقىتىپ، قاجەتتى جابدىقتارمەن قامتاماسىز ەتىپ كەلگەن. بۇل باعدارلاماعا بولىنەتىن قاراجاتتى اقش كونگرەسى ماقۇلداۋى ءتيىس. بىراق دونالد ترامپ اكىمشىلىگى بۇل ماقساتقا قوسىمشا قارجى سۇراماعان. بۇعان دەيىن بولىنگەن قاراجات 2026 جىلدىڭ قىركۇيەك ايىنىڭ سوڭىنا دەيىن قولجەتىمدى.

2018 جىلدان 2022 جىلعا دەيىن ۆاشينگتون وسى باعدارلاما شەڭبەرىندە ەۋروپالىق سەرىكتەستەرىن قولداۋعا 1,6 ملرد دوللار بولگەن. نەگىزگىنەن قاراجاتتى ەستونيا، لاتۆيا جانە ليتۆا الىپ كەلگەن.

Abai.kz