بۇل تۋرالى دەنساۋلىق ساقتاۋ مينيسترلىگى ءمالىم ەتتى.

رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ بازاسىندا دەنساۋلىق ساقتاۋ ءمينيسترى اقمارال ءالنازاروۆانىڭ توراعالىعىمەن تسيفرلىق ترانسفورماتسيا جونىندەگى جۇمىس توبىنىڭ وتىرىسى ءوتتى

وتىرىستىڭ شەڭبەرىندە رەسپۋبليكالىق ەلەكتروندىق دەنساۋلىق ساقتاۋ ورتالىعى دەنساۋلىق ساقتاۋ رەسۋرستارىن باسقارۋدىڭ جاڭعىرتىلعان جۇيەسىنىڭ (ربج اج) فۋنكتسيونالىن كورسەتتى.

مەديتسينالىق ۇيىمداردىڭ، كادرلاردىڭ جانە مەديتسينالىق تەحنيكانىڭ تسيفرلىق بەيىندەرى، سونداي-اق ولاردى 2025 جىلى ودان ءارى دامىتۋ جوسپارلارى كورسەتىلدى.

جاڭارتىلعان جۇيە رەسۋرستاردىڭ اشىق جانە ءتيىمدى ەسەبىن قامتاماسىز ەتىپ قانا قويماي، دەنساۋلىق ساقتاۋ ينفراقۇرىلىمى مەن كادرلىق الەۋەتتىڭ دامۋىن تالداۋ جانە بولجامداۋ قۇرالىنا اينالىپ وتىر.

جۇمىس توبى وتىرىسىنىڭ قورىتىندىسى بويىنشا تسيفرلىق بەيىندەردى دايەكتى دامىتۋدى جانە 2025 جىلى جۇيەنىڭ فۋنكتسيونالىن كەڭەيتۋدى قوسا العاندا، ربج اج جەتىلدىرۋ بويىنشا ودان ءارى جۇمىس باعىتتارى ايقىندالدى.

Abai.kz