قازاقستانداعى كاسىبي مەنەدجەرلەر تاپشىلىعى مەن قازاق تىلىندەگى بيزنەس-ءبىلىم ماسەلەسى تالقىلانادى.

قازاقستان ەكونوميكاسىنا كەدەرگى بولىپ وتىرعان باستى ماسەلەلەردىڭ ءبىرى – كاسىبي مەنەدجەرلەردىڭ جەتىسپەۋشىلىگى. ساراپشىلاردىڭ ايتۋىنشا، باسقارۋشىلىق شەشىمدەردىڭ ساپاسى تومەن بولعان سايىن كاسىپورىنداردىڭ تيىمدىلىگى دە، ەلدىڭ جالپى ەكونوميكالىق دامۋى دا تەجەلەدى.

سونىمەن قاتار، بيزنەس سالاسىندا قازاق ءتىلى تولىققاندى قولدانىسقا ەنە الماي وتىر. ونىڭ نەگىزگى سەبەپتەرىنىڭ ءبىرى – مەملەكەتتىك تىلدە جۇيەلى ءارى ساپالى باسقارۋشىلىق ءبىلىمنىڭ بولماۋى.

وسى ماسەلەلەردى تالقىلاۋ جانە ۇلتتىق تىلدە كاسىبي ءبىلىم بەرۋ ىسىندە جاڭا قادام جاساۋ ماقساتىندا 26 قىركۇيەك كۇنى الماتىدا META ۋنيۆەرسيتەتىندە Qazaq MBA باعدارلاماسى تانىستىرىلادى. بۇل باعدارلاما – قازاق تىلىندە تولىققاندى MBA ءبىلىمىن بەرۋدى كوزدەيتىن العاشقى جوبا.

تالقىلاناتىن تاقىرىپتار:

• قازاقستانداعى مەنەدجەرلەر تاپشىلىعىنىڭ سەبەپتەرى;
• قازاق ءتىلىنىڭ بيزنەستەگى ورنى مەن بولاشاعى;
• حالىقارالىق تاجىريبەنى ۇلتتىق ورتاعا بەيىمدەۋ جولدارى.

جيىن بارىسىندا پانەلدىك پىكىرتالاس ۇيىمداستىرىلىپ، جۋرناليستەرگە سۇراق قويۋ مۇمكىندىگى بەرىلەدى.

ءىس-شارا ۋاقىتى مەن ورنى:
26 قىركۇيەك 2025 ج.، 15:00
الماتى ق.، تولە بي كوشەسى، 109ب، META ۋنيۆەرسيتەتى

Abai.kz