كەشە اقوردا ءبىراز اۋىس-تۇيىستەر جاسادى. مەملەكەت باسشىسىنىڭ جارلىعىمەن بىرقاتار لاۋازىمدى تۇلعا قىزمەتتەرىنەن بوساتىلدى. ولاردىڭ ورنىنا بىرقاتار ادام جاڭا لاۋازىمدارعا يە بولدى. بۇل تۋرالى كەشە جازدىق.

پرەزيدەنت توقاەۆ بۇگىن دە بىرقاتار اۋىس-تۇيىستەر جاسادى. سونىمەن، كىمدەر قىزمەتتەرىنەن بوساتىلدى، كىمدەر جاڭا لاۋىزىمدارعا تاعايىندالدى؟ قاراڭىز:

مەملەكەت باسشىسىنىڭ جارلىعىمەن ەرجان حوزەۇلى قازىحان قازاقستان رەسپۋبليكاسى پرەزيدەنتىنىڭ حالىقارالىق ماسەلەلەر جونىندەگى كومەكشىسى لاۋازىمىنان بوساتىلدى.

ول جەنەۆا قالاسىنداعى (شۆەيتساريا) بىرىككەن ۇلتتار ۇيىمىنىڭ بولىمشەسى مەن باسقا دا حالىقارالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى لاۋازىمىنا تاعايىندالدى.

مەملەكەت باسشىسىنىڭ جارلىعىمەن ەرلان التىنبايۇلى الىمباەۆ جەنەۆا قالاسىنداعى (شۆەيتساريا) بىرىككەن ۇلتتار ۇيىمىنىڭ بولىمشەسى مەن باسقا دا حالىقارالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى لاۋازىمىنان بوساتىلدى.

مەملەكەت باسشىسىنىڭ جارلىعىمەن مۇرات ابۋعاليۇلى نۇرتىلەۋ قازاقستان رەسپۋبليكاسى پرەزيدەنتىنىڭ حالىقارالىق ينۆەستيتسيا جانە ساۋدا ىنتىماقتاستىعى جونىندەگى كومەكشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى (قر سىرتقى ىستەر ءمينيسترى قىزمەتىنەن الىندى).

مەملەكەت باسشىسىنىڭ جارلىعىمەن ەرمەك بەدەلبايۇلى كوشەرباەۆ قازاقستان رەسپۋبليكاسىنىڭ سىرتقى ىستەر ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.

مەملەكەت باسشىسىنىڭ جارلىعىمەن ەرجان نيگماتوللاۇلى اشىقباەۆ قازاقستان رەسپۋبليكاسىنىڭ امەريكا قۇراما شتاتتارىنداعى توتەنشە جانە وكىلەتتى ەلشىسى لاۋازىمىنان بوساتىلدى.

Abai.kz