ۇلىبريتانيا، فرانتسيا جانە گەرمانيا ديپلوماتتارى ماسكەۋگە ناتو-نىڭ اۋە قورعانىس جۇيەسى سولتۇستىكاتلانتيكالىق وداق ەلدەرىنىڭ اۋە كەڭىستىگىن بۇزعان رەسەيدىڭ اسكەري ۇشاقتارىن اتىپ تۇسىرۋگە دايىن ەكەنىن ەسكەرتتى.

بۇل جونىندە جاعدايدان حاباردار دەرەككوزدەرگە سۇيەنگەن Bloomberg اگەنتتىگى جازدى.

تاراپتار اراسىندا كەزدەسۋ 19 قىركۇيەك كۇنگى وقيعاعا قاتىستى بولعان. ول كەزدە رەسەيلىك ميگ-31 جويعىش ۇشاعى ەستونيانىڭ اۋە كەڭىستىگىندە شامامەن 12 مينۋت بولعان. بالتىق ەلدەرىن كۇزەتەتىن يتاليالىق اۋە كۇشتەرىنىڭ ۇشاقتارى اۋەگە كوتەرىلگەن.

Bloomberg-ءتىڭ جازۋىنشا، رەسەيلىك ديپلومات وقيعانى ۋكراينا كۇشتەرىنىڭ اننەكسيالانعان قىرىمعا شابۋىلىنا جاۋاپ رەتىندە اتاعان. كرەملدىڭ بولجامىنشا، مۇنداي وپەراتسيالاردى ناتو-نىڭ قولداۋىنسىز جۇرگىزۋ مۇمكىن ەمەس.

كەزدەسۋدەن كەيىن ەۋروپا ەلدەرىنىڭ وكىلدەرى رەسەي اسكەرى ەستونيانىڭ اۋە كەڭىسىگىن قاساقانا بۇزدى دەگەن قورىتىندىعا كەلگەن. ال ماسكەۋ مۇنى مويىندامايدى.

Abai.kz