2025 جىلعى 25-26 قىركۇيەكتە استانا قالاسىندا قر مكق ۇيىمداستىرۋىمەن كۇشتىك قۇرىلىمدار FPV-درون وپەراتورلارى اراسىندا “Millitary Drone Race 2.0” ءتۋرنيرى ءوتتى.

سايىس پيلوتسىز اۆياتسيالىق جۇيەلەردى (پاج) جاۋىنگەرلىك جانە كاسىبي دايارلىقتا قولدانۋ سالاسىن دامىتۋعا، ونى كيبەرسپورت اسپەكتىلەرىمەن جانە وزىق تەحنولوگيالارمەن كىرىكتىرۋگە، بولىمشەلەردىڭ تەحنيكالىق الەۋەتىن جەتىلدىرۋگە باعىتتالعان. تۋرنير سونىمەن قاتار، وسى سالا ماماندارىنىڭ كاسىبي دەڭگەيىن ارتتىرۋعا، ولاردىڭ ءوزارا بەلسەندى ارەكەتتەسۋىن، ءبىلىمى مەن تاجىريبەسىمەن ءبولىسۋىن قولداۋعا ارنالعان.

تۋرنير باعدارلاماسى پاج باسقارۋ بويىنشا بىرنەشە جاتتىعۋ كىرەتىن ەكى كەزەڭنەن تۇردى.

سايىس جۇلدەلەرى جولىندا مەملەكەتتىك كۇشتىك قۇرىلىمدار FPV-درون وپەراتورلارىنىڭ 14 كومانداسى باق سىنادى. ەكى كۇندىك سايىس ناتيجەسىندە تومەندەگى قۇرامالار جەڭىسكە جەتتى:

1 ورىن - قر مكق 1-كومانداسى;

2 ورىن - قر مكق 2-كومانداسى;

3 ورىن - قر ۇقك  “ا” قىزمەتى كومانداسى.

كۇشتىك قۇرىلىمدار FPV-درون وپەراتورلارىنىڭ سايىسى  ەكىنشى رەت وتكىزىلدى. العاشقى تۋرنير 2025 ج. ساۋىردە وتكەن، ونىڭ جەڭىمپازدارى قاتارىندا قر مكق، قر ۇقك «ا» امق، راديوەلەكترونيكا جانە بايلانىس اسكەري-ينجەنەرلىك ينستيتۋتى كوماندالارى بولعان ەدى.

Abai.kz