شاحتينسكىدە «تازا قازاقستان» رەسپۋبليكالىق ەكولوگيالىق اكتسياسى اياسىندا اۋقىمدى سەنبىلىك ءوتتى.

بالالار مەن ەرەسەكتەر تۋعان قالاسىن ودان ءارى جاسىل، تازا ءارى جايلى ەتۋ ماقساتىندا بىرلەسىپ ەڭبەك ەتتى. ورتالىق ساياباقتا وقۋشىلار مەن ەرىكتىلەر 200 قاراعاش كوشەتىن ەنىپ، تابيعاتتى قورعاپ، ايالاۋعا ۋادە بەردى.

اعاش ەگۋ ءىس-شاراسىنا بالالارمەن قاتار ولاردىڭ اتا-انالارى مەن ۇستازدارى دا بەلسەندى قاتىستى. قالا تۇرعىندارى سۇيىكتى دەمالىس ورنى سانالاتىن ساياباقتا ءجيى تىنىعادى، ەندى ول بۇرىنعىدان دا كورىكتى جانە جايلى بولماق. قاتىسۋشىلار ەكولوگيالىق مادەنيەتتى ارتتىرۋدا بىرلەسكەن ەڭبەكتىڭ ماڭىزى زور ەكەنىن اتاپ ءوتتى.

سۋرەت: قاراعاندى وبلىسى اكىمدىگىنەن الىندى.

ارنايى قويىلعان باننەردە اركىم ءوز تىلەگى مەن ىزگى نيەتىن قالدىردى. بالالار تابيعاتقا ريزاشىلىق سەزىمدەرىن، تازا ءارى جاسىل بولاشاق تۋرالى ارماندارىن، سونداي-اق اعاشتاردى كۇتىپ-باپتاۋعا جانە قوقىس تاستاماۋعا دەگەن ۋادەلەرىن جازىپ قالدىردى.

ۇيىمداستىرۋشىلاردىڭ ايتۋىنشا، «تازا قازاقستان» — ءبىر رەتتىك اكتسيا ەمەس، ەلىمىزدىڭ ءاربىر تۇرعىنىنىڭ تابيعاتقا دەگەن جاۋاپكەرشىلىگى مەن ەكولوگيالىق ساناسىن قالىپتاستىرۋعا باعىتتالعان ۇزاق مەرزىمدى باستاما.

#تازاقازاقستان #ۋستويچيۆوەرازۆيتيە #چيستاياسترانا #ەكولوگيا #TazaChallenge @ەTazaQazaqstan

Abai.kz