جەتىسۋ وبلىسىندا وتكەن «تازا قازاقستان» ەكولوگيالىق اكتسياسى اياسىندا ۇيىمداستىرىلعان وبلىستىق «ۇلگىلى ەلدى مەكەن» بايقاۋىنىڭ ناتيجەسى بويىنشا تازا اۋىلدار مەن اۋدان ورتالىقتارى ماراپاتتالدى. سونىمەن قاتار، ەڭبەك ۇجىمدارى، مەملەكەتتىك ورگانداردىڭ قىزمەتكەرلەرى، دەپۋتاتتار، ەرىكتىلەر، جاستار ۇيىمدارىنىڭ وكىلدەرى ءۇن قوسقان جالپىرەسپۋبليكالىق سەنبىلىككە وراي تالدىقورعان قالاسىندا وتكەن اعاش وتىرعىزۋ شاراسىنا وبلىس اكىمى بەيبىت يساباەۆ قاتىستى.

https://www.gov.kz/

ەكولوگيالىق شارانىڭ الدىندا ايماق باسشىسى ەلدى مەكەندەردىڭ تازالىعىن قامتاماسىز ەتۋگە ارنالعان وبلىستىق «ۇلگىلى ەلدى مەكەن» بايقاۋىنىڭ جەڭىمپازدارىن ماراپاتتادى. سونىمەن «ۇلگىلى اۋدان ورتالىعى» اتالىمى بويىنشا ءى ورىندى سارقان قالاسى، ءىى ورىندى جاركەنت قالاسى، ءىىى ورىندى سارىوزەك كەنتى ەنشىلەسە، «ۇلگىلى اۋىل» اتالىمى بويىنشا ءى ورىندى قاراتال اۋدانىنداعى كالپە اۋىلى، ءىى ورىندى كوكسۋ اۋدانى، جارلىوزەك اۋىلى، ءىىى ورىندى ەسكەلدى اۋدانىنداعى الدابەرگەنوۆ اۋىلى جانە الاكول اۋداندىعى اقتۇبە اۋىلى الدى. ال، تالدىقورعان قالاسى «جۇلدىز» شاعىن اۋدانىنىڭ №25, №27 ۇيلەرىڭ ءجاي سەرىكتەستىگى جانە تەكەلى قالاسى جەڭىس كوشەسىنىڭ №11 ءۇيىنىڭ ءجاي سەرىكتەستىگى «ۇلگىلى اۋلا» اتالىمى بويىنشا ەرەكشەلەندى.

ودان سوڭ وبلىستىق جۇقپالى اۋرۋلار اۋرۋحاناسىنىڭ الدىنداعى سكۆەردە قىلقان جاپىراقتى جانە جالپاق جاپىراقتى 500 ءتۇپ اعاش وتىرعىزىلدى. جالپى وبلىس بويىنشا وتكەن سەنبىلىك اياسىندا 9 430 ءتۇپ ءتۇپ كوشەت تىگىلدى.

سەنبىلىككە قاتىسۋشىلار جالپىرەسپۋبليكالىق شارادان العان اسەرلەرىن ءبولىستى.

https://www.gov.kz/

- بۇگىن دوستارىمىزبەن بىرگە اعاش وتىرعىزۋ شاراسىنا قاتىستىق. جاس تولقىننىڭ وكىلى رەتىندە مۇنداي شارالارعا بەلسەندىلىكپەن قاتىسىپ، وزگەلەرگە ۇلگى بولۋعا تىرىسامىن. ويتكەنى، قورشاعان ورتاعا جاناشىرلىقپەن قاراۋ، تازالىق پەن ءتارتىپتى ۇستانۋ ­– قوعامنىڭ باستى مىندەتى. شىنىندا ءبىزدىڭ قورشاعان ورتا – ءبىزدىڭ ورتاق ءۇيىمىز. سوندىقتان ەكوسەنبىلىكتەرگە ءاربىر اپتا سايىن قاتىسىپ تۇرۋعا تىرىسامىن، سوندا ايىنا 4-5 رەت شىعامىز، - دەيدى ايماقتىڭ بەلسەندى جاستارىنىڭ وكىلى نۇراسىل مولدابەكوۆ.

ونىڭ ءسوزىن تالدىقورعاننىڭ تاعى ءبىر تۇرعىنى مارجان عىلىمبەققىزى دا راستاپ:

- سەنبىلىككە كىشى ۇلىمدى ەرتىپ، ەرتەرەك كەلدىم. سول ارقىلى بالاما اۋىر ەڭبەكتەن قاشپاۋدى، تابيعاتتى قالاي قورعاۋدى، ءسۇيۋدى جانە تۋعان قالاسىنا جاناشىرلىقپەن قاراۋدى ۇيرەتكىم كەلەدى. بۇل قاسيەتتەردى وسكەلەڭ ۇرپاقتىڭ بويىنا ءسابي كەزىنەن ءسىڭىرۋ كەرەك. مەنىڭ بالام 7 جاستا، بۇگىن تۇڭعىش رەت كوشەت وتىرعىزدى. وسىنداي يگىلىكتى ءىستى ەسىندە ۇزاق ساقتاپ، تۋعان جەرىنە قامقورلىق كورسەتۋدى ۇيرەنەدى دەپ ويلايمىن، - دەدى.

ماراپات العانداردىڭ اتىنان ءسوز العان سارقان اۋدانى، سارقان قالاسىنىڭ اكىمى امانتاي ورىنبەكوۆ:

- 2025 جىلى بۇگىنگى كۇنگە دەيىن مىڭنان اسا اعاش ەگىلدى. تاعى مىڭنان اسا جوسپاردا بار. قوقىس مىڭ كۋبتاي شىقتى. بۇل ماراپات بىزگە ەكى ەسە جاۋاپكەرشىلىك جۇكتەيدى. سوندىقتان دا تازالىق جۇمىستارىن ارى قاراي دا جالعاستىرامىز. قالامىزدى تازا ۇستايمىز، - دەپ ريزاشىلىعىن جەتكىزدى.

سەنبىلىكتىڭ جۇمىسىن تۇيىندەگەن وبلىس اكىمىنىڭ ورىنباسارى مارلەن كولباەۆ:

- «تازا قازاقستان» جالپىۇلتتىق باعدارلاماسى اياسىندا جەتىسۋ وبلىسىندا كوپتەگەن شارالار وتكىزىلۋدە. اتاپ ايتساق، ءار اپتا سايىن «تازا بەيسەنبى» دەگەن اتاۋمەن ەكوسەنبىلىكتەر وتكىزىلىپ، كاسىپورىنداردىڭ، ۇيىمداردىڭ ۇجىمدارى مەن بيزنەس-قاۋىمداستىق وكىلدەرى وزدەرىنە تيەسىلى اۋماقتاردى تارتىپتكە كەلتىرىپ، تازارتۋ جۇرگىزەدى، كوگالداندىرادى. سونداي-اق، ءار ەكى اپتا سايىن سەنبىلىك وتكىزىلەدى. وندا ساياباقتارعا، سكۆەرلەرگە، اللەيالارعا، اۋلالارعا، كوشەلەرگە تازالىق جۇرگىزىلەدى. ودان بولەك، ەكوباعدارلاما اياسىندا كوپقاباتتى ۇيلەردىڭ شاتىرلارى جاڭارتىلىپ، اۋلالار تازارتىلادى، بالالاردىڭ ويىن جانە سپورت الاڭدارى سالىنىپ، كوشەلەر جارىقتاندىرىلادى جانە ەلدى مەكەندەردى اباتتاندىرۋ بويىنشا كوپتەگەن جۇمىستار اتقارىلادى. جىل باسىنان بەرى 120 مىڭ ءتۇپ اعاش كوشەتىن وتىرعىزۋ جوسپارلانعان بولاتىن. سوعان سايكەس 56 مىڭ كوشەت كوكتەم كەزىندە تىگىلسە، قالعان 64 مىڭ ءتۇپ اعاشتى كۇز كەزىندە وتىرعىزامىز. بۇگىنگى ءبىر كۇننىڭ وزىندە 9,5 مىڭ اعاش كوشەتى وتىرعىزىلدى، - دەپ اتقارىلعان جۇمىستاردىڭ ناتيجەسىن تانىستىردى.

ايتا كەتسەك، جەتىسۋ وبلىسىندا وتكەن جالپىرەسپۋبليكالىق سەنبىلىك كەزىندە 438,2 گەكتار اۋماق تازارتىلىپ، 886 توننا قوقىس جينالدى. ەكوشارالارعا 22 800 ادام قاتىستى، 204 بىرلىك تەحنيكا جۇمىلدىرىلدى.

Abai.kz