بالاعا تاربيە مەن ونەردى قاتار ۇيرەتۋدىڭ سان ءتۇرلى جولدارى بار. امالىن تاپقان ادام، ۇلتقا قىزمەت ەتۋدىڭ ءتۇرلى فورمۋلالارىن جاساپ الارى انىق. ول ءۇشىن ەڭ باستىسى – دۇرىس نيەت پەن تاباندى ارەكەت كەرەك. ءبىزدىڭ بۇگىنگى كەيىپكەرىمىز –«Anshi bala karaoke» جوباسىنىڭ نەگىزىن قالاۋشى، وتباسىلىق جۇپ ءادىل حاكىمۇلى مەن گۇلنار ورىنبايقىزى ۇلتتىق مۋزىكا ونەرى ارقىلى قازاققا قىزمەت ەتۋ – ءبىزدىڭ باستى پارىزىمىز دەگەندى العا تارتادى. كەيىپكەرلەرىمىزبەن شاعىن سۇقباتتى نازارلارىڭىزعا ۇسىنامىز.

سۋرەت(:https://dodanews.kz/)

ءادىل مىرزا، جوبا تۋرالى قىسقاشا اقپارات بەرە كەتسەڭىز؟ وسىنداي اۋقىمدى جوبانى قولعا الۋعا نە تۇرتكى بولدى؟ كىمنىڭ يدەياسى ەدى؟

جۇبايىم گۇلنار ورىنبايقىزى 20 جىلعا جۋىق ۋاقىت ءبىلىم بەرۋ سالاسىندا قىزمەت ەتىپ كەلەدى. نەگىزگى ءپانى – ءان ساباعىنىڭ وقىتۋشىسى. الايدا، ۇستازدىقپەن قاتار، قوعامداعى قازاق بالالارىنىڭ ۇلتتىق كەلبەتى، تاربيەسى مەن تانىمىنا ەرەكشە كوڭىل ءبولىپ كەلەدى. جۇبايىم بالا-باقشا، مەكتەپ جانە جەكە ۆوكال ستۋديالاردا مول تاجىريبە جيناعان بىلىكتى مامان. ءبىر كۇنى، ماعان مەرەكەلىك كونتسەرتتەردە، مەكتەپ باعدارلامالارىندا، بي ساباقتارىندا قازاقشا اندەردىڭ ازدىعى، ءتىپتى، كەي ۋاقىتتاردا تابا المايتىنىن ايتىپ، وي تاستادى. ءوز تاجىريبەسىندە ءتىپتى شەت ەل جانە ورىس تىلىندەگى ەسترادالىق اندەردى قازاقشاعا اۋدارىپ، كەلسىن كەلمەسىن قولدانۋعا ءماجبۇر بولاتىن. مىنە، وسى كەزدەرى ماعان تەرەڭ وي كەلدى. نەگە ءبىزدىڭ بالالارىمىزعا جوعارى ساپادا، تاعىلىمدى تاقىرىپتاردا اندەر جازباسقا. وسىنى نەگە جۇيەلەپ ۇسىنباسقا دەگەن وي سانادان شىقپاي قويدى. مىنە، سونىڭ ناتيجەسىندە ەڭ جاقسى دۇنيە بالالارعا دەگەن كەرەمەت يدەيا تۋدى. وسىلاي باستالىپ كەتتى.

– ⁠بالالاردىڭ وي-ساناسى، رۋحاني مەنتالدىلىعى وزگەرىپ تۇرعان اۋمالى-توكپەلى ۋاقىتتا مۇنداي جوبالاردىڭ ماڭىزى زور. قازىرگى باعىت قانداي؟ ونلاين-پلاتفورما تۋرالى ايتا كەتسەڭىز؟

نەگىزى ۇلكەن دۇنيەنى قولعا العاندا كەزدەسەتىن ورتاق ماسەلەلەر بولادى. اسىرەسە، رۋحاني دۇنيەلەردى قولعا العاندا. سوندىقتان دا، وسى جوبانى باستاردا جانە ىسكە اسىرۋ بارىسىندا كوپتەگەن قيىندىققا تاپ بولدىق. مۇنى جاسىرمايمىز. ءبىراز ازاماتتارعا ۇسىنىس ايتىپ، دەمەۋشى ىزدەپ، ءتىپتى، مەملەكەتتىك مەكەمەلەرگە حات جازىپ، ماردىمدا جاۋاپ الماي كوڭىل –كۇيىمىز تۇسكەن ساتتەر دە كەزدەستى.

اللاعا شۇكىر، جۇيەلى جۇمىستار مەن ادال نيەتتىڭ ارقاسىندا جوبامىزعا دەمەۋشى تابىلا كەتتى. وسىلايشا، باعىمىزعا وراي، كاسىپكەر، مەتسەنات جانە ۇلت قۇندىلىقتارىمىزعا جاناشىر ازاماتتار تابىلىپ وسى كۇندە 200 دەن استام ءان جازىلدى. تۇڭعىش «Anshi bala karaoke» ءموبيلدى قوسىمشاسى جاسالدى. ءبىزدى وقىپ وتىرعان جاناشىر قاۋىمنان، مۇمكىندىگىنشە ەل يگىلىگى جولىنداعى جوبامىزدى قولداپ، تاراتا وتىرساڭىزدار دەگەن ىزگى نيەت بار. مىسالى، بالا – باقشا، مەكتەپ، كولەدجدەردە بارىنشا قولدانسا، اشىق ساباقتار مەن ءتۇرلى كونتسەرتتىك شارالار بار بارلىق جەردە وسى پلاتفورمانىڭ يگىلىگىن قولدانىلسا دەگەن ماقساتىمىزدى جەتكىزگىمىز كەلەدى. وسى جوبانىڭ ۇلكەن ءبىلىم پلاتفورماسىنا اينالىپ انا ءتىلىن ۇيرەنۋگە جانە دەڭگەيىن جاڭا بيىككە كوتەرۋگە ارنايى ويىن پلاتفورمالارى ارقىلى دا قول جەتكىزگىمىز كەلەدى. الداعى جىلدار اندەردىڭ سانىن ارتتىرىپ 1000 ءان جازدىرىپ قوسىمشاداعى ءان ءتىزىمىن تولىقتىرعىمىز كەلەدى. بۇل باعىتتا قوسىمشا جۇمىستار اتقارىلىپ جاتىر.

(سۋرەت:https://dodanews.kz/)

– ⁠قازىرگى جوباعا قاتىسۋشىلار سانى تۋرالى جۇيەلى ايتىپ بەرسەڭىز؟

كەرەمەت ناتيجە بار دەپ ايتۋعا بولادى. ءدال قازىرگى تاڭدا «Anshi bala karaoke» youtube.com/@balakaraoke_kz يۋتۋب ارناسىندا 17 مىڭعا جۋىق قولدانۋشىلارىمىز بار. بۇل تاماشا كورسەتكىش. سەبەبى، بۇل اۋديتوريا – ءوزىمىزدىڭ سەگمەنت. ياعني، جوبانىڭ قاتىسۋشىلارى مەن ناقتى قولدانۋشىلارى. ارينە، ءموبيلدى قوسىمشامىزدا جازىلۋشىلىر سانى ءالى ازداۋ. جاقىندا عانا اشىلدى. بۇل جۇمىستاردى دا ءارى قاراي جالعاستىراتىن بولامىز. ءبىر قۋانارلىعى، بالا باقشا مەن مەكتەپتەردە  يۋتيۋب ارنا ارقىلى ءان ساباقتارىندا ۇستازدار مەن وقۋشىلار ءبىزدىڭ اندەرىمىزدى ءجيى قولدانىپ جۇرگەنىن بايقايمىز. تەلەديدار ارقىلى ۇيلەرىندە اتا – انالارىمەن بىرگە بالالاردىڭ ءان ايتىپ جۇرگەنىن كورىپ ءجۇرمىز. ەندى، «Anshibala» قوسىمشامىز جايلى كوپشىلىك حاباردار بولسىن دەگەن ماقساتتا 15 قازاننان باستاپ رەسپۋبليكالىق ءان بايقاۋىن جاريالادىق. «Anshibala» قوسىمشاسىن جۇكتەپ الىپ سايىسقا قاتىسقان ءار بالاعا سىيلىق تابىستاۋدى جوسپارلاپ وتىرمىز. ۇلتتىق جوبامىزدى قولداۋعا ات سالىسايىق، اعايىن. بالالاردى وسى باستان ۇلتتىق دەڭگەيدە تاربيەلەسەك، بولاشاعىمىز كەمەل بولاتىنى انىق.

– ء⁠بىر سۇقباتىڭىزدا جوباعا قىزىعۋشىلىق تانىتىپ جۇرگەن تانىمال ازاماتتار بار دەگەندى ەستىدىك. مىسالى، شوۋ – بيزنەس وكىلدەرى. زيالى قاۋىم وكىلدەرى دەگەندەي.

وسى جوبامىزبەن ەلىمىزدىڭ بەلگىلى ازاماتتارى مەن ونەر قايراتكەرلەرى تانىسىپ، اق باتاسىن بەرىپ جاتقانى ءبىزدى قۋانتادى. شابىت بەرەدى. كۇش سىيلايدى بىزگە. ءتۇرلى دەڭگەيدە كەزدەسۋلەر مەن كەلىسسوزدەر وتكىزىپ جاتىرمىز. ناتيجەسى شۇكىر. اسىرەسە، ءبىزدىڭ ەڭ باستى – رۋحاني كاپيتالىمىز – بالالار مەن اتا – انالاردىڭ ريزاشىلىعى ماڭىزدى. الداعى ۋاقىتتا الەۋمەتتىك جەلىلەردە جانە اقپارات كەڭىستىگىندە قولداۋشىلاردى كورە جاتارسىزدار دەپ ويلايمىن. سوندىقتان، الداعى ۋاقىتتارى جاقسى ناتيجەلەر مەن تابىستى شەشىمدەر شىعاتىنىنا سەنەمىن.

– ⁠الداعى جوسپار قانداي؟

الداعى جوسپار – جوبامىزدىڭ دەڭگەيىن جاڭا ساپاعا كوتەرىپ، قولدانۋشىلار سانىن ارتتىرۋ. سول ارقىلى، حالىقارالىق ءبىلىم پلاتفورماسىنا اينالدىرۋ. اعىلشىن جانە ورىس ءتىلدى قاۋىمعا قازاق ءتىلىن قىسقا ۋاقىتتا جانە جەڭىل جولمەنەن ۇيرەتتەتىن قۇرالدى ۇسىنۋ. مىنە، وسىنداي ۇلى ماقساتتار جولىندا بىرگە بولىپ، تىلەكتەستىك تانىتادى دەگەنگە بەك سەنەمىن. سەبەبى، ءبىزدىڭ جوبا بۇگىنگى اعىمداعى تىرلىك عانا ەمەس، بولاشاعى زور باستاما!

ءان ومىرىندە جارىق جۇلدىزداي ساۋلە شاشىپ، ايرىقشا ءىزى قالدىرامىن، قازاق حالقىنىڭ ۇلتتىق ماقتانىشىنا اينالامىز دەسەك، ونەر قايراتكەرلەرى مەن رۋحاني تۇلعالاردى كوپتەپ شىعارۋىمىز كەرەك. وسىنداي يگى وي ءار قازاقتىڭ كوكەيىندە بولۋى ءتيىس.

Abai.kz