جەتىسۋ وبلىسىندا رەسپۋبليكا كۇنىنە وراي ءبىر كۇندە تاقىرىپتىق ءۇش مۋرال ءبىر ۋاقىتتا اشىلدى. جوبا پرەزيدەنتتىڭ «ادىلەتتى قازاقستان» يدەولوگيالىق باعدارلاماسى اياسىندا ءوڭىر جاستارىنىڭ باستاماسىمەن جۇزەگە اسىرىلىپ، ازاماتتىق جاۋاپكەرشىلىكتى، ەكولوگيالىق مادەنيەتتى جانە قوعامداعى ادىلدىك قاعيداتتارىن نىعايتۋعا باعىتتالدى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

(سۋرەت:https://www.gov.kz/)

«تازا قازاقستان»،  «ادال ازامات»، «زاڭ مەن ءتارتىپ» قاعيدالارىنىڭ نەگىزگى پرينتسيپتەرىن ناسيحاتتاۋ ماقساتىندا سالىنعان بۇل مۋرالدار سارقان اۋدانىنىڭ سارقان قالاسىنداعى، قاراتال اۋدانىنىڭ ۇشتوبە قالاسىنداعى جانە كوكسۋ اۋدانىنىڭ بالپىق بي اۋىلىنداعى كوپ قاباتتى ۇيلەر قابىرعاسىنىڭ كوركىن كىرگىزىپ تۇر.

- ءبىز ءۇشىن مۋرال – تەك قابىرعاداعى سۋرەت قانا ەمەس، ومىردە قانداي ۇستانىمداردى تاڭدايتىنىمىزدى ەسكە سالاتىن ماڭىزدى جازبا. سوندىقتان سالىنعان بۇل مۋرالدار قورشاعان ورتاعا ۇقىپتى قاراۋ مەن ەكولوگيالىق مادەنيەتتى دامىتۋ ارقىلى تۇراقتى بولاشاق قالىپتاستىرۋ يدەياسىن، ادالدىق، جەكە جاۋاپكەرشىلىك جانە قوعام ومىرىنە بەلسەندى قاتىسۋ قۇندىلىقتارىن، تۇراقتى ءارى ءادىل مەملەكەت قۇرۋدا زاڭنىڭ ۇستەمدىگى مەن قوعامدىق ءتارتىپتىڭ ماڭىزدىلىعىن كورسەتەدى. تازالىق ساقتاۋ، ادال ەڭبەك ەتۋ، زاڭدى جانە ادامداردى قۇرمەتتەۋ – قوعامدى تۇراقتى ءارى ءادىل ەتەتىن قۇندىلىقتار. سوندىقتان ءبىز بولاشاعىمىزدى كۇن سايىنعى ءىس-ارەكەتىمىز قالىپتاسادى دەپ سەنەمىز، - دەدى  «جەتىسۋ جاستارى» كمم ديرەكتور ءشامىل ۆانكەەۆ.

Abai.kz