قازاقستاندىقتار زەينەتاقى جيناقتارىن بۇرىنعىداي تۇرعىن ءۇي جاعدايىن جاقسارتۋعا پايدالانا الادى.

"وتباسى بانك" مالىمەتىنشە، زەينەتاقى تولەمدەرىمەن الىنعان پاتەرلەردىڭ كەيبىرى قىسقا ۋاقىت ىشىندە بىرنەشە رەت قايتا ساتىلعان.

ءار ساتىپ الۋشى تۇرعىن ءۇيدى الۋ ءۇشىن ءوزىنىڭ زەينەتاقى جيناعىن پايدالانعان. بۇل جاعداي نارىقتاعى باعا مەن قاراجاتتىڭ ماقساتسىز جۇمسالۋ قاۋپىن ارتتىرعان.

وسىعان بايلانىستى بانك زەينەتاقى قاراجاتىنا الىنعان باسپانانى تەك بەس جىلدان كەيىن ساتۋ جونىندە شەكتەۋ ەنگىزۋدى ۇسىنعان. الايدا بۇل ۇسىنىس قولداۋ تاپپادى.

سەبەبى قولدانىستاعى زاڭناماعا سايكەس، مۇنداي مۇلىك شەكتەۋ قويىلاتىن ساناتقا كىرمەيدى، سوندىقتان ازاماتتار ءوز باسپاناسىن قالاعان ۋاقىتتا ساتا الادى.

Abai.kz