قازاقستاننىڭ دامۋ بانكى ("بايتەرەك" حولدينگىنىڭ ەنشىلەس ۇيىمى) قازاقستاننىڭ 17 سەرپىندى جوباسىنىڭ 14-ءىن قارجىلاندىرۋعا قاتىسۋدى جوسپارلاپ وتىر.

بانكتىڭ قاتىسۋ ۇلەسى باستامالارعا قاتىستى 2,6 ترلن تەڭگەگە جەتۋى مۇمكىن. بۇلار ەل ىشىندەگى جالپى سوماسى 6,9 ترلن تەڭگەگە جوعارى تەحنولوگيالىق قايتا وڭدەۋ ۇلەسىن ارتتىراتىن بولاشاق مەتاللۋرگيالىق جانە اگروونەركاسىپتىك كلاستەرلەر.

بانك پاۆلودار وبلىسىندا مەتاللۋرگيالىق كلاستەردىڭ ءبىرىنشى كەزەگىن ىسكە اسىرۋدى ماقۇلدادى. ەندى ەكىباستۇزدا "Mineral Product International" جشس قۋاتتىلىعى جىلىنا 80 000 توننا فەرروقورىتپا زاۋىتىن سالماق. ونىڭ ىسكە قوسىلۋى قازاقستاننىڭ ىشكى قايتا وڭدەۋ جانە ەكسپورتتىق الەۋەتىن ارتتىرادى. 527 تۇراقتى جانە 1000-نان استام ۋاقىتشا جۇمىس ورنى اشىلادى.

ساراپتامانىڭ ءۇشىنشى كەزەڭى قاراعاندى وبلىسىندا №8-9 (جىلىنا 2,45 ملن توننا كوكس) جاڭا كوكس باتارەيالارى مەن تابيعي گاز قۇبىرىن سالاتىن "Qarmet" اق كەشەندى جاڭعىرتۋ جوباسىنان وتۋدە. جوبا ىشكى مەتاللۋرگيانى ءوزىمىز وندىرگەن كوكسپەن قامتاماسىز ەتىپ، يمپورتتى قىسقارتۋعا جانە وندىرىستىك قۋاتتى ارتتىرۋعا مۇمكىندىك بەرەدى.

قۇجاتتاردى جيناۋدىڭ ەكىنشى كەزەڭىندە قوستاناي وبلىسىندا جوبالىق قۋاتى جىلىنا 2 ملن توننا بولاتىن "QazIron" اق (ERG) ىستىق بريكەتتى تەمىر (ىبت) ءوندىرۋ زاۋىتىنىڭ جوباسى تۇر. ول الەمدىك نارىقتا سۇرانىسقا يە دومەنسىز، "جاسىل" مەتاللۋرگيا ءۇشىن پرەميۋم شيكىزات شىعارىپ، 3000-عا جۋىق مامانعا جۇمىس بەرەدى.

قارجىلاندىرۋ ءۇشىن قۇجات جيناۋدىڭ ءبىرىنشى كەزەڭى قازىر اباي وبلىسىندا قۋاتى جىلىنا 300 مىڭ توننا مىس بولاتىن "KAZ Minerals Smelting" جشس مىس بالقىتۋ زاۋىتىنىڭ جوباسى بويىنشا جۇرگىزىلۋدە. كاسىپورىندا مىڭداعان تۇراقتى جۇمىس ورنى اشىلىپ، جوعارى ەكسپورتتىق الەۋەتى بار دايىن مىس قورىتپاسى ونەركاسىپتىك وندىرىسىنە كوشۋگە مۇمكىندىك بەرەدى.

استانادا قارىز الۋشىنىڭ ءوز قاراجاتى ەسەبىنەن "Kazak Protein" جشس بيداي مەن بۇرشاقتى تەرەڭ وڭدەۋ بويىنشا ينتەگراتسيالانعان اگروونەركاسىپتىك كەشەننىڭ قۇرىلىسى باستالدى. قدب-دا بۇل جوبا ساراپتامانىڭ ءۇشىنشى كەزەڭىندە. كاسىپورىن ءتىرى بيداي گليۋتەنىن جانە موديفيكاتسيالانعان بيداي كراحمالىن شىعارادى. بولاشاقتا قوستاناي وبلىسىنداعى Qostanai Grain Industry جوباسىمەن بىرلەسىپ، كاسىپورىندار استىقتى تەرەڭدەتە وڭدەۋدىڭ جانە ەل ءۇشىن ستراتەگيالىق ماڭىزدى يمپورتتىق ينگرەديەنتتەردى الماستىرۋدىڭ نەگىزىنە اينالماق. سونىمەن قاتار قوسىلعان قۇنى جوعارى قازاقستاندىق تەرەڭدەتىلگەن ەكسپورتتىق ءونىم جەلىسىن كوبەيتەدى.

قدب مەن ونىڭ ەنشىلەس ۇيىمى ودق قارجىلاندىرۋىنىڭ ارقاسىندا قۋاتتىلىعى جىلىنا 120 مىڭ اۆتوموبيلگە دەيىن جەتەتىن Astana Motors Manufacturing Kazakhstan مۋلتيبرەندتىك زاۋىتىن سالۋ جوباسى رەكوردتىق مەرزىمدە اياقتالدى. بۇل ءوز الاڭىندا بىردەن ءۇش جەتەكشى قىتاي برەندىنىڭ ءوندىرىسىن بىرىكتىرگەن الەمدەگى العاشقى كاسىپورىن: Chery, Changan جانە Great Wall Motor (Haval جانە Tank).

بارلىق جوبالار قاتاڭ ىرىكتەۋ كريتەريىنە جاۋاپ بەرەدى. ونىڭ قۇنى كەمىندە 100 ملرد تەڭگە، ءونىمدى قايتا ءبولۋدىڭ ورتاشا جانە جوعارى دەڭگەيى، ستراتەگيالىق ماڭىزدىلىعى، ەكسپورتقا جانە يمپورتتى الماستىرۋعا باعدارلانۋى ەسەپكە الىنادى.

انىقتاما:

ۇكىمەت جالپى قۇنى شامامەن 16 ترلن تەڭگەنى قۇرايتىن, 28 مىڭنان استام جۇمىس ورىن اشۋدى كوزدەيتىن 17 ءىرى جوبانىڭ تىزبەسىن بەكىتتى. بۇل جوبالار قارا جانە ءتۇستى مەتاللۋرگيا، مۇناي-, گاز جانە كومىر حيمياسى, حيميا ونەركاسىبى, اۆتوموبيل ءوندىرىسى, تۋريزم جانە ازىق-تۇلىك ونەركاسىبى سياقتى باعىتتاردى قامتيدى.

قازىرگى تاڭدا ەكى جوبا ىسكە قوسىلدى: KIA اۆتوموبيلدەرىن شىعاراتىن زاۋىت جانە Chery, Haval جانە Changan ماركالى مۋلتيبرەندتى اۆتوزاۋىت. قالعان 15  جوبا ءارتۇرلى كەزەڭدە جۇزەگە اسىرىلىپ جاتىر.

Abai.kz