جاساندى ينتەللەكت الەمىندەگى ەڭ بەدەلدى تۇلعالاردىڭ ءبىرى، ايگىلى Google Research-ءتىڭ بۇرىنعى ديرەكتورى، الەمدەگى №1 AI وقۋلىعى «Artificial Intelligence: A Modern Approach» اۆتورلارىنىڭ ءبىرى پيتەر نورۆيگ قازاقستاننىڭ جوعارى ءبىلىم، عىلىم جانە تەحنولوگيا باعىتىنداعى رەفورمالارىن جوعارى باعالادى.

ول بۇل پىكىرىن كاي-فۋ ءليدىڭ شاقىرۋىمەن قازاقستان پرەزيدەنتى جانىنداعى جي دامىتۋ كەڭەسىنە قاتىسقاننان كەيىن ايتتى.

پيتەر نورۆيگتىڭ ايتۋىنشا:

قازاقستان – مۇنايلى ەل، بىراق ەكونوميكاسىن ي باعىتىنا باتىل بۇرىپ وتىرعان مەملەكەت.

ەلدىڭ دەموگرافياسى جاس، جاستار تەحنولوگياعا قاتتى قىزىعادى.

بىلىمگە ەرەكشە كوڭىل بولىنگەن: قازىر ەلدە 30-عا جۋىق شەتەلدىك ۋنيۆەرسيتەت فيليالدارى جۇمىس ىستەيدى.

قازاقستان يمميگراتسيا شەكتەۋلەرىن دۇرىس پايدالانىپ، شەتەلدىك ستۋدەنتتەردى كوپ تارتىپ جاتىر، ءوز ستۋدەنتتەرىن دە حالىقارالىق دەڭگەيدە وقىتۋدا.

Startup ەكوجۇيەسى ۆەنچۋرلىق كاپيتالعا ەمەس، مەملەكەتتىك گرانتتارعا سۇيەنەدى — بۇل ەرەكشە مودەل، بىراق ناقتى ناتيجە بەرىپ جاتىر.

ەلدە العاشقى «ەدينوروگتار» پايدا بولدى.

ەڭ ماڭىزدىسى — ۇكىمەت ۇزاق مەرزىمدى، بايىپتى كۋرستى ۇستانىپ وتىرعانىنا قوعامدى سەندىرە العان.

نورۆيگتىڭ ايتۋىنشا، قازاقستان بيلىگىنىڭ ايقىن باعىتى، تۇراقتى ساياساتى جانە تەحنولوگياعا سالعان ينۆەستيتسياسى ەلدەگى يننوۆاتسيالىق ەكوجۇيەنىڭ جىلدام وسۋىنە جاعداي جاساپ جاتىر.

Abai.kz