2025 جىلدىڭ قازانىنان قر ۇلتتىق قاۋىپسىزدىك كوميتەتى (ۇقك) ەسىرتكى ساۋداسىنىڭ جولىن كەسۋگە قاتىستى 10 وپەراتسيا جۇرگىزدى.

وسى وپەراتسيالاردىڭ ناتيجەسىندە ەسىرتكىنى جەتكىزۋدىڭ 3 حالىقارالىق جانە 3 ايماقتىق ارناسى، سونداي-اق جەراستى زەرتحاناسى مەن ەسىرتكى پلانتاتسياسى جويىلدى.

زاڭسىز اينالىمنان 622 كگ ەسىرتكى، سونىڭ ىشىندە پسيحوتروپتىق زاتتار، گاشيش جانە ماريحۋانا تاركىلەندى.

اتالعان قۇقىق بۇزۋشىلىقتاردى جاسادى دەگەن كۇدىكپەن سوتتىڭ سانكتسياسىمەن 12 قازاقستان ازاماتى مەن 3 شەتەلدىك قاماۋعا الىندى.

سوتقا دەيىنگى تەرگەپ-تەكسەرۋلەر جۇرگىزىلىپ جاتىر.

قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.

-ۇلتتىق قاۋىپسىزدىك كوميتەتى ەسىرتكى، پسيحوتروپتىق زاتتار مەن پرەكۋرسورلاردىڭ زاڭسىز اينالىمىمەن كۇرەس بويىنشا جۇمىستى جالعاستىرادى،-دەلىنگەن حابارلامادا.

Abai.kz