25 قاراشا، رابات. ماروككو كورولدىگى پارلامەنتى وكىلدەر پالاتاسىنىڭ توراعاسى راشيد تالبي ءال-ءالاميدىڭ شاقىرۋىمەن ءماجىلىس توراعاسى ەرلان قوشانوۆ باستاعان ءبىر توپ دەپۋتات ماروككو كورولدىگىنە رەسمي ساپارمەن باردى. رابات قالاسىندا ءماجىلىس دەلەگاتسياسى ماروككو كورولدىگى پارلامەنتى وكىلدەر پالاتاسىنىڭ توراعاسى راشيد تالبي ءال-الاميمەن جانە كەڭەسشىلەر پالاتاسىنىڭ توراعاسى مۇحاممەد ۋلد ار-راشيدپەن, سونداي-اق ۇكىمەت باسشىسى ازيز احاننۋشپەنكەزدەستى.

ماروككو كورولدىگى پارلامەنتى وكىلدەر پالاتاسىنىڭ توراعاسى راشيد تالبي  ال-الاميمەن كەزدەسۋدە تاراپتار ەكى ەل اراسىنداعى ىنتىماقتاستىق ماسەلەلەرىن تالقىلادى. ءماجىلىس سپيكەرى قازاقستان پرەزيدەنتى ماروككومەن سەرىكتەستىكتى دامىتۋعا ەرەكشە ءمان بەرەتىنىن ايتىپ، كورول VI مۇحاممەدكە ونىڭ جىلى لەبىزى مەن ىقىلاسىن جەتكىزدى.

قازاقستان مەن ماروككو اراسىندا ديپلوماتيالىق قارىم-قاتىناس ورناعالى بەرىءبىراز سالادا بەرىك بايلانىس قالىپتاستى. سونىڭ ءبىرى – پارلامەنتارالىق ىقپالداستىق.

اڭگىمە بارىسىندا ەرلان قوشانوۆ وسى پارلامەنتارالىق ديالوگتى تەرەڭدەتۋگە ەرەكشە نازار اۋداردى. ماروككولىق ارىپتەستەرىن زاڭ شىعارۋ سالاسىندا تاجىريبە الماسىپ، اسىرەسە دوستىق توپتارى, بەيىندى كوميتەتتەر جانە اپپاراتتار اراسىنداعى ءىس-ارەكەتتى ارتتىرۋعا شاقىردى.

– ءبىز پارلامەنتارالىق ىنتىماقتاستىقتى نىعايتۋعا مۇددەلىمىز. ماروككو جاعىنان دا ءدال وسىنداي ىقىلاس بار. حالىقتىڭ وكىلدەرى رەتىندە ەكى ەلدىڭ تىعىز ارالاسۋىنا، جاقىنداسۋىنا جول اشۋىمىز كەرەك. ەلدەرىمىزدىڭ پارلامەنتتەرى اراسىندا قۇرىلعان دوستىق توپتارى ۇنەمى بايلانىستا. بيىل ماروككولىق دوستىق توبىنىڭ استاناعا ساپارى جەمىستى ءوتتى. بۇل تاجىريبەنى الداعى ۋاقىتتا دا جالعاستىرۋ كەرەك, – دەدى ءماجىلىس سپيكەرى.

ءماجىلىس توراعاسى ارىپتەسىنە ەلىمىزدە جۇرگىزىلىپ جاتقان رەفورمالار جايلى ايتىپ بەردى. قازاقستان پارلامەنتىنىڭ قازىرگى قىزمەتى جونىندە جان-جاقتى مالىمەت بەرىپ، الداعى پارلامەنتتىك رەفورمانىڭ ءمان-جايىن ءتۇسىندىردى.

ءوز كەزەگىندە ماروككو وكىلدەر پالاتاسىنىڭ توراعاسى قازاقستان پرەزيدەنتى قولعا العان رەفورمالاردى جوعارى باعالادى.

– ءبىز قاسىم-جومارت توقاەۆتىڭ رەفورمالارىن ۇنەمى باقىلاپ وتىرامىز. ولارەلدىڭ دامۋىنا زور سەپتىگىن تيگىزۋدە. بۇلباستامالار پارلامەنت جۇمىسىنا دا وڭ ىقپال ەتەرى ءسوزسىز. قازاقستان توعىز جولدىڭ تورابىندا شىعىس پەن باتىستى بايلانىستىرىپ تۇرعان ەل. سىزدەرمەن بارلىق سالادا ىنتىماقتاستىقتى بەكەمدەي تۇسۋگە دايىنبىز. ماروككو قازاقستان ءۇشىن افريكا نارىعىنا شىعاتىن قاقپا بولعىسى كەلەدى، – دەدى راشيد تالبي  ال-الامي.

ەكى ەلدىڭ زاڭ شىعارۋشى ورگاندارىاراسىنداعى سەرىكتەستىكتى دامىتۋ جايى ماروككو كەڭەسشىلەر پالاتاسىنىڭ توراعاسى مۇحاممەد ۋلد ار-راشيدپەن كەزدەسۋدە دە كەڭىنەن تالقىلاندى.

– 2014 جىلى پارلامەنتارالىق قاتىناستارىمىزدىڭ جاڭا كەزەڭى باستالعانىن اتاپ وتكىم كەلەدى. سول كەزدەگى ماروككونىڭ كەڭەسشىلەر پالاتاسىنىڭ توراعاسى مۇحاممەد بياديللا استاناعا رەسمي ساپارمەن كەلدى. ءوز كەزەگىندە قاسىم-جومارت توقاەۆ قازاقستان پارلامەنتى سەناتىنىڭ سپيكەرى لاۋازىمىندا راباتقا قارىمتا رەسمي ساپار جاسادى. بۇل قادامدار پارلامەنتتەرىمىزدىڭ اراسىنداعى ىنتىماقتاستىقتىڭ بەرىك نەگىزىن قالادى, – دەدى ءماجىلىس سپيكەرى.

كەڭەسشىلەر پالاتاسىنىڭ توراعاسى ەكى ەل ىنتىماقتاستىعىن ارتتىرۋدا جوعارى دەڭگەيدەگى ساپارلاردىڭ ماڭىزى زور ەكەنىن اتاپ ءوتتى.

تاراپتار ساۋدا-ساتتىقتى ۇلعايتۋ, ينۆەستيتسيا، جاساندى ينتەللەكت، اۋىل شارۋاشىلىعى، كولىك-لوگيستيكا سالالارىندا سەرىكتەستىكتى ودان ءارى كۇشەيتۋ ماسەلەلەرى مەن «ورتا ءدالىز» كولىك باعىتىن بەلسەنە دامىتۋ جايىن ورتاعا سالدى. بۇدان بولەك، ءبىلىم بەرۋ، دەنساۋلىق ساقتاۋ, تۋريزم جانە مادەنيەت سالاسىندا دا ءارىپتەستىكتى كەڭەيتۋ جايى ءسوز بولدى.

بيىل ەكى ەل ازاماتتارى ءۇشىن ۆيزاسىز رەجيم كۇشىنە ەندى. قازىرگى ۋاقىتتا تىكەلەي رەيستەر اشۋ ماسەلەسى قاراستىرىلىپ جاتىر. بۇل ەكى حالىقتىڭ ءبىر-ءبىرىن جاقىن تانۋىنا جول اشادى.

ساپار اياسىندا دەپۋتاتتار كورول V مۇحاممەد كەسەنەسىنە بارىپ, مەملەكەتتىڭ نەگىزىن قالاعان تۇلعالار – كورول V مۇحاممەد پەن كورول ءىى حاساننىڭ رۋحىنا تاعزىم ەتتى، گۇل شوقتارىن قويدى.

ءماجىلىستىڭ ءباسپاسوز قىزمەتى. سۋرەتتى تۇسىرگەن – ج. جۇمابەكوۆ

Abai.kz