«Bloomberg» باسىلىمى اقش-تىڭ ارنايى وكىلى ستيۆ ۋيتكوفف پەن رەسەي پرەزيدەنتىنىڭ كومەكشىسى يۋري ۋشاكوۆ اراسىنداعى اڭگىمە جازباسىن دا جاريالادى.

ولار ترامپقا جوسپاردى قالاي تانىستىرۋ كەرەكتىگىن تالقىلاعان. ءۇزىندى:

ۋشاكوۆ: ءيا، ءيا، ءيا. ساعان ءبىر عانا ماسەلەنى شەشۋ كەرەك.

ۋيتكوفف: قاي ماسەلەنى؟

ۋشاكوۆ: رەسەي–ۋكراينا سوعىسىن.

ۋيتكوفف: بىلەمىن! بۇنى قالاي شەشەمىز؟

ۋشاكوۆ: دوسىم، مەن تەك سەنىڭ كەڭەسىڭدى بىلگىم كەلەدى. ءبىزدىڭ باسشىلاردىڭ تەلەفون ارقىلى سويلەسۋى پايدالى بولار ەدى دەپ ويلايسىڭ با؟

ۋيتكوفف: ءيا، مەن سولاي ويلايمىن.

ۋشاكوۆ: سەن سولاي ويلايسىڭ. ال سەنىڭ ويىڭشا، ونى ىسكە اسىرۋ قاشان مۇمكىن بولماق؟

ۋيتكوفف: مەنىڭ ويىمشا، سىزدەر ۇسىنىس جاساعان ساتتە-اق، ءبىزدىڭ تاراپ ول قادامعا دايىن بولادى.

ۋشاكوۆ: جاقسى، جاقسى.

ۋيتكوفف: يۋري، يۋري، مەنىڭ ۇسىنىمدى تىڭدا.

ۋشاكوۆ: ءيا، تىڭداپ تۇرمىن.

ۋيتكوفف: مەن قوڭىراۋ شالىپ، جاي عانا پرەزيدەنتتى بۇل جەتىستىكپەن قۇتتىقتايتىنىڭىزدى، ونىڭ وسى قادامدارىن قولدايتىنىڭىزدى، ونىڭ بەيبىتشىلىكتى قالايتىن ادام ەكەنىن قۇرمەتتەيتىنىڭىزدى ايتار ەدىم. مەن سولاي دەر ەدىم. وسىنداي قادامنان كەيىن وتە جاقسى اڭگىمە بولاتىنىنا سەنىمدىمىن.

ترامپ «Bloomberg» جاريالاعان جازباعا قاتىستى پىكىر ءبىلدىردى. ماقالانى تەرىسكە شىعارعان جوق. ول «بۇل كەلىسسوز بارىسىنداعى ستاندارتتى جاعداي» دەپ اتادى.

«بۇل ستاندارتتى جاعداي عوي. ول (ۋيتكوفف) بۇل كەلىسىمدى ۋكرايناعا وتكىزە الۋى ءتيىس. ول بۇل كەلىسىمدى رەسەيگە وتكىزە الۋى ءتيىس. كەلىسسوزشىنىڭ مىندەتى سول عوي»، - دەيدى ترامپ.

رەسەي پرەزيدەنتىنىڭ كومەكشىسى يۋري ۋشاكوۆ «Bloomberg-ءتىڭ» ماقالاسىن جوققا شىعارعان جوق. ول بىلاي دەيدى:

«مەن ۋيتكوففپەن ءجيى سويلەسەمىن. بىراق اڭگىمە مازمۇنى تۋرالى اشىق ايتپايمىز. دميتريەۆپەن دە ءجيى سويلەسەمىن، تەلەفوندى ءجيى قولدانامىن. دميتريەۆ ەكەۋمىزدىڭ اڭگىمەمىز نەگە كەرەك، كىمگە قىزىق، تۇسىنبەدىم. بىرەۋلەر اڭگىمەنى تىڭداعان، قۇپيانى جاريا ەتكەن، بىراق ءبىز ەمەس»، - دەيدى ول.

Abai.kz