يزرايل ارمياسىنىڭ گازا سەكتورىنا جاساعان شابۋىلدارى سالدارىنان قازا تاپقاندار سانى 70 360-قا جەتتى.

گازا سەكتورىنا يزرايلدىك ارميانىڭ سوڭعى 24 ساعاتتاعى شابۋىلدارى سالدارىنان قازا تاپقاندار سانى تاعى 6 ادامعا ءوسىپ، 2023 جىلعى 8 قازاننان بەرى جالپى 70 360 ادامعا جەتتى.

گازا سەكتورىنداعى پالەستينا دەنساۋلىق ساقتاۋ مينيسترلىگىنىڭ حابارلاۋىنشا، سوڭعى تاۋلىكتە اۋرۋحاناعا 17 جارالى جەتكىزىلگەن، سونداي-اق 6 پالەستيندىكتىڭ ءمايىتى اكەلىنگەن. ولاردىڭ ءبىرى ءۇيىندى استىنان شىعارىلعان.

كەلىسىم كۇشىنە ەنگەننەن كەيىنگى كەزەڭدە قازا تاپقان پالەستيندىكتەر سانى 373-كە جەتكەن، جارالانعاندار – 970 ادام. ۇيىندىلەر استىنان 624 ادامنىڭ دەنەسى تابىلعان.

2023 جىلعى قازاندا يزرايل گازا سەكتورىنا شابۋىلدى باستاعاننان بەرى جارالانعاندار سانى 171 047 ادامعا دەيىن وسكەن.

گازا سەكتورىنداعى اتىستى توقتاتۋ جانە تۇتقىندار الماسۋ كەلىسىمى

اقش پرەزيدەنتى دونالد ترامپ 9 قازاندا يزرايل مەن حاماس مىسىردا وتكەن كەلىسسوزدەر بارىسىندا گازاداعى اتىستى توقتاتۋدىڭ العاشقى كەزەڭىن ماقۇلداعانىن مالىمدەدى.

مىسىردا قول قويىلعان كەلىسىم يزرايل ۇكىمەتى راستاعاننان كەيىن 10 قازاندا كۇشىنە ەندى.

اتىستى توقتاتۋ جونىندەگى كەلىسىمگە قاراماستان، يزرايل ارمياسى ءارتۇرلى سەبەپتەردى العا تارتىپ، پالەستيندىكتەرگە ۋاقىت وتكەن سايىن سوققى بەرۋدى جالعاستىرىپ جاتىر.

Abai.kz