كوشە اتاۋلارىنا ارنايى تىزىمگە ەنگەن ءداستۇرلى اتاۋلار، جەر-سۋ اتاۋلارى، تاريحي تۇلعالاردىڭ عانا اتتارى بەرىلەدى. بۇل تۋرالى مادەنيەت جانە اقپارات مينيسترلىگىنەن ءمالىم ەتتى.

— بۇل سالادا جۇيەلى جۇمىس ىستەلىپ جاتىر. كەزىندە جەرگىلىكتى جەرلەردى جۇيەسىز اتاۋلار كوبەيىپ كەتتى. تۇرعىندار اتاۋلاردىڭ ءمانى مەن مازمۇنىن تۇسىنبەي جاتتى. «نەگە كوشە اتاۋا باسقا ادامعا بەرىلمەدى» دەگەن داۋ كوبەيدى. مەملەكەت باسشىسى بۇل جۇمىستى جۇيەلەندىرىپ، رەسپۋبليكالىق ونوماستيكالىق كوميسسيا جۇمىسىنىڭ اياسىندا جۇزەگە اسىرۋدى تاپسىردى. سوندىقتان تاريحي تۇلعالاردىڭ ءتىزىمى ايقىندالدى. سول تىزىمگە كىرگەن ادامداردىڭ عانا ەسىمىن بەرۋ تالابى بار. بۇل تىزىمدە بولماسا، اتى بەرىلمەيدى، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.

وسى ءتىزىمدى اكىمدىكتەر 2 جىلدا ءبىر رەت جاڭارتىپ تۇرادى.

— مۇنىمەن قوسا، عالىمدارمەن بىرلەسە تاريحي اتاۋلاردىڭ دا ءتىزىمى جاسالدى. قازىر ارنايى جول كارتاسى بار. ونىڭ اياسىندا ءبىرىنشى كەزەڭدە اتاۋى جوق جانە قايتالاناتىن كوشەلەردىڭ اتاۋلارىن وزگەرتۋ ەسكەرىلگەن. بۇل ءىس-شارالار كەزەڭ-كەزەڭمەن جۇزەگە اسىپ جاتىر، - دەپ اتالىپ وتكەن ۆەدومستۆو اقپاراتىندا.

2023 جىلى مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ نەگىزگى وتىرىسىندا ونوماستيكا ماسەلەسىندە ايماقتاردىڭ ەرەكشەلىگى مەن جالپىۇلتتىق باسىمدىقتار ەسكەرىلۋى كەرەك ەكەنىن ايتتى.

Abai.kz