كەلەر جىلدان جەكە تۇلعالاردىڭ ءموبيلدى اۋدارىمدارىنا قاتىستى سالىقتىق باقىلاۋدىڭ جاڭارتىلعان ءتارتىبى ەنگىزىلەدى.

قارجى ۆيتسە-ءمينيسترى ەرجان ءبىرجانوۆتىڭ ايتۋىنشا، ازاماتتاردىڭ اقشا اۋدارىمدارى ەكى نەگىزگى تالاپ بويىنشا تەكسەرىلەدى.

• بىرىنشىدەن، 3 اي قاتارىنان (قاڭتار-ناۋرىز ارالىعى) 100 ءتۇرلى ادامنان قارجى ءتۇسۋى كەرەك.
• ەكىنشىدەن، وسى كەزەڭدە تۇسكەن قاراجاتتىڭ جالپى سوماسى 1 ميلليون تەڭگەدەن اسۋى ءتيىس.

ەكى تالاپ تا ءبىر مەزەتتە ورىندالعان جاعدايدا عانا ادام سالىقتىق باقىلاۋعا الىنادى. بۇل دەرەكتەردى ەكىنشى دەڭگەيلى بانكتەر سالىق ورگاندارىنا بەرىپ وتىرادى.

ء"بىز تەك ناقتى سايكەسسىزدىك انىقتالعان كەزدە عانا حابارلاما جىبەرەمىز. ودان كەيىن ونىڭ جەكە كاسىپكەر رەتىندە تىركەلۋى قاجەت پە، الدە بۇل قايىرىمدىلىق نەمەسە باسقا ماقساتتاعى ءتۇسىم بە سونى انىقتايمىز. بارلىعى ەسكەرىلەدى. شوتتاردى اۆتوماتتى تۇردە جابۋ قاراستىرىلماعان", – دەدى ۆيتسە-مينيستر.

سونىمەن قاتار، ەرجان ءبىرجانوۆ "ەگەر اۋدارىم سوماسى 1 ملن تەڭگەدەن اسسا، مىندەتتى تۇردە جەكە كاسىپكەر رەتىندە تىركەلۋ كەرەك" دەگەن اقپاراتتىڭ شىندىققا جاناسپايتىنىن ەسكەرتتى.

Abai.kz