جەتىسۋ وبلىسىندا قازاقستان حالقى اسسامبلەياسىنىڭ 30 جىلدىعىنا ارنالعان «بىرلىك پەن كەلىسىم جولىنداعى 30 جىل» اتتى تاريحي كىتاپتىڭ سالتاناتتى تۇساۋكەسەرى جانە «وقىلماعان حاتتار» كوركەم ءفيلمىنىڭ پرەمەراسى ءوتتى.

سۋرەت: gov.kz سايتىنان الىندى.

تالدىقورعان قالاسىندا مەرەكەلىك جيىنعا وبلىستىق قازاقستان حالقى اسسامبلەياسىنىڭ مۇشەلەرى، ەتنومادەني بىرلەستىكتەردىڭ وكىلدەرى، جەرگىلىكتى زيالى قاۋىم مەن قوعام بەلسەندىلەرى قاتىستى. ءىس-شارا قوعامدىق كەلىسىم مەن ۇلتتىق بىرلىكتى ودان ءارى نىعايتۋعا باعىتتالعان ماڭىزدى الاڭعا اينالىپ، قاتىسۋشىلارعا بىرلىك پەن تاتۋلىقتىڭ قۇندىلىعىن تاعى ءبىر مارتە ايقىنداپ بەردى.

ءوڭىر باسشىسىنىڭ اتىنان مەرەكەلىك شاراعا قاتىسۋشىلاردى قۇتتىقتاعان وبلىس اكىمىنىڭ ورىنباسارى دياس ەسداۋلەتوۆ اسسامبلەيانىڭ 30 جىل ىشىندە ەل بىرلىگى مەن قوعامدىق كەلىسىمدى نىعايتۋداعى ايرىقشا رولىنە توقتالىپ، قازاقستان حالقى اسسامبلەياسىنىڭ ەتنوسارالىق تاتۋلىقتى ساقتاۋداعى ماڭىزىن اتاپ ءوتتى. سونىمەن قاتار وڭىردەگى بىرلىك پەن كەلىسىم باعىتىندا جۇرگىزىلىپ جاتقان جۇيەلى جۇمىستارعا ەرەكشە ءمان بەردى.

سۋرەت: gov.kz سايتىنان الىندى.

«بۇگىن ءبىز قازاقستان حالقى اسسامبلەياسىنىڭ 30 جىلدىق مەرەيتويىنا ارنالعان تاريحي كىتاپتىڭ سالتاناتتى تۇساۋكەسەرىنە جانە «وقىلماعان حاتتار» اتتى تولىقمەتراجدى كوركەم ءفيلمنىڭ العاشقى كورسەتىلىمىنە كۋا بولىپ وتىرمىز. بۇل شارالار – حالقىمىزدىڭ بىرلىگى مەن تاتۋلىعىنىڭ، ەل تاريحىنىڭ تەرەڭ تامىرى مەن رۋحاني قۇندىلىقتارىنىڭ ايقىن كورىنىسى», – دەدى د. ەسداۋلەتوۆ.

«بىرلىك پەن كەلىسىم جولىنداعى 30 جىل» كىتابىندا قازاقستان حالقى اسسامبلەياسىنىڭ قۇرىلۋ تاريحى، نەگىزگى كەزەڭدەرى، سونداي-اق وڭىرلىك دەڭگەيدە اتقارىلعان جۇمىستار مەن تاعىلىمدى تاجىريبەلەر كەڭىنەن قامتىلعان.

سۋرەت: gov.kz سايتىنان الىندى.

كوركەم فيلم كورەرمەندەرگە ەلىمىزدەگى بىرلىك، تاتۋلىق، ادامگەرشىلىك قۇندىلىقتارى مەن تاريحي ساباقتاستىقتى تەرەڭ سەزىنۋگە مۇمكىندىك بەردى. فيلم اياقتالعان سوڭ قاتىسۋشىلاردى پرەمەرامەن قۇتتىقتاۋ ءراسىمى ۇيىمداستىرىلىپ، مازمۇندى پىكىرلەر ايتىلدى.

جىل باسىنان بەرى قازاقستان حالقى اسسامبلەياسىنىڭ 30 جىلدىعى اياسىندا وڭىردە ەتنوسارالىق كەلىسىم مەن قوعامدىق تۇراقتىلىقتى نىعايتۋعا باعىتتالعان جۇيەلى، اۋقىمدى جانە ناتيجەلى جۇمىستار جۇزەگە اسىرىلدى. اتاپ ايتقاندا، جالپى سانى 64 924 ادامدى قامتىعان 561 ءىس-شارا ۇيىمداستىرىلدى.

سۋرەت: gov.kz سايتىنان الىندى.

اتالعان ءىس-شارا قازاقستان حالقى اسسامبلەياسىنىڭ 30 جىلدىق مەرەيتويىن كەڭىنەن اتاپ وتۋگە، قوعامدىق كەلىسىم مەن جالپىۇلتتىق بىرلىكتى ودان ءارى نىعايتۋعا باعىتتالعان ماڭىزدى قادامداردىڭ ءبىرى بولدى.

وبلىستىق قوعامدىق دامۋ باسقارماسىنىڭ مالىمەتى بويىنشا دايىندالعان.

فوتوگراف: دميتري ەروفەەۆ.

Abai.kz