پرەزيدەنتىمىز قاسىم-جومارت توقاەۆ «TURKISTAN» گازەتىنىڭ باس رەداكتورى باۋىرجان باباجانۇلىنا بەرگەن «قازاقستان جاڭعىرۋدىڭ جاڭا كەزەڭىنە قادام باستى» اتتى سۇحباتىندا قانداستار ماسەلەسىنە ارنايى توقتالىپ، «بىل­تىر قازاقستانعا 16 مىڭنان استام قان­داس كوشىپ كەلگەن. سونىڭ ىشىندە ەڭبەككە جارامدى ازاماتتاردىڭ ون بەس پايى­زى­نىڭ عانا جوعارى ءبىلىمى بار. سول سەبەپتى كو­بى قازاقستانداعى الەۋمەتتىك-ەكو­نو­مي­كالىق ورتاعا بەيىمدەلۋ بارىسىندا قيىن­دىقتارعا تاپ بولادى. ولار نەگى­زىنەن الماتى وبلىسىنىڭ حالىق كوپ تۇراتىن اۋداندارى مەن اۋىلدارىنا ءجا­نە ماڭعىستاۋ وبلىسىنىڭ جاڭاوزەن قالاسىنا قونىستانعان. ورتالىق جانە جەر­گىلىكتى بيلىك، سونداي-اق، قۇقىق قور­عاۋ ورگاندارى بۇل جاعدايعا نازار اۋ­دارۋ­عا ءماجبۇر بولىپ وتىر.»،-دەدى.

ارينە، مەملەكەت باسشىسى قانداستارىمىزعا قاتىستى بۇل اقپاراتتى سىزدەردەن دە العان بولۋى مۇمكىن.

سىزدەر باسقاراتىن وبلىستارعا قونىس تەپكەن قانداستارىمىزدىڭ قازاقستانداعى الەۋمەتتىك-ەكو­نو­مي­كالىق ورتاعا بەيىمدەلۋ بارىسىندا قيىن­دىقتارعا تاپ بولاعانى تۋرالى بۇل جاعدايعا ورتالىق جانە جەر­گىلىكتى بيلىك، سونداي-اق، قۇقىق قور­عاۋ ورگاندارى عانا ەمەس، ەكى پرەزيدەنتتىڭ دە وسى ۇلى كوش اتتى ۇلى باستاماسىن ءومىر بويى قولداپ كەلە جاتقان ازامات، كوشى-قون ءۇردىسىن رەتتەۋگە ارنالعان قۇقىقتىق اكتىلەرگە ەلەۋلى وزگەرتۋلەر مەن تولىقتىرۋلار ەنۋىنە ىقپال ەتكەن تاجىريبەلى مامان رەتىندە مەن نازار اۋدارۋعا ءماجبۇر بولدىم. ءتىپتى، قاتتى الاڭداي باستادىم. بۇل جاعداي مەنىڭ عانا ەمەس، ۇلى كوشكە مۇددەلى زيالى قاۋىم وكىلدەرىنىڭ دە تىنىشىن كەتىرە باستاعانى انىق.

ءيا، باياعى نازارباەۆ زامانىنداعىداي جىلىنى ءجۇز مىڭداپ قوتارىلا كوشىپ كەلىپ جاتقان شەتتەگى قازاق جوق!

وزدەرىڭىز كورىپ وتىرسىزدار، 2025 جىلعى قانتاردان-قىركۇيەككە دەيىنگى ەلگە كەلگەن قانداستارىمىزدىڭ سانى 16175-اق ادامدى ەكەن. ال، ەلدەن كەتكەندەر سانى 5975 ادام. كوشى-قون ايىرىمى 10200 ادامدى قۇراپتى.

ارينە، وسى 16175 قانداستىڭ ءبارى الماتى وبلىسىمەن ماڭعىستاۋ وبلىسىنا عانا بارىپ، قونىستانا قالماعانى تاعى بەلگىلى. وزگە وبلىستارعا دا قونىس تەۋىپ جاتىر…

ەگەر، سىزدەردىڭ وبىلىستارىڭىزعا قونىستانعان ءبىر-ءبىر ۋىس قانداس شىنىمەن دە قازاقستانداعى الەۋمەتتىك-ەكو­نو­مي­كالىق ورتاعا بەيىمدەلۋ بارىسىندا قيىن­دىقتارعا تاپ بولىپ، رەسەي ەلشىسى الەكسەي بوروداۆكين ايتقانداي، ەل بيلىگى ءۇشىن ايتارلىقتاي پروبلەمالار تۋعىزىپ، ءتىپتى مەملەكەتكە قاۋىپ ءتوندىرىپ جاتسا، وندا بۇل ماسەلەنى سىزدەر بولىپ، ءبىز بولىپ، ءتىپتى بۇكىل الاش جۇرتى بودىپ ويلاسۋىمىز كەرەك!

مۇمكىن، ۇلى كوشتى توقتاتا تۇرۋ كەرەك شىعار؟!

الدە، ۇلى ابايدىڭ «ءبىرىڭدى قازاق، ءبىرىڭ دوس، كورمەسەڭ ءىستىڭ ءبارى بوس!» دەگەن وسيەتى مەن Sabyr Aday اعامىزدىڭ «ءار قازاق مەنىڭ — جالعىزىم!» ولەڭىن باسشىلىققا الىپ، الەۋمەتتىك-ەكو­نو­مي­كالىق ورتاعا بەيىمدەلۋ بارىسىندا قيىن­دىقتارعا تاپ بولعان بايقۇس قانداستارىمىزدى قازاقستان وزەككە تەپپەي، ءوز باۋىرىنا تارتۋى كەرەك پە؟!!

بۇل — پرەزيدەنتىمىزدىڭ سۇحباتىنداعى قانداستار تۋرالى ءسوزىن وقىعاننان كەيىن تۋعان سۇراق!

قۇرمەتتى مارات ەلەۋسىزۇلى!

قيلىباي نۇرداۋلەت يگىلىكۇلى!

ەندى سىزدەرگە ءوتىنىش!

ءبىرىنشى، قازاقستانداعى الەۋمەتتىك-ەكو­نو­مي­كالىق ورتاعا بەيىمدەلۋ بارىسىندا سىزدەر باسقارىپ وتىرعان وبلىستارعا قونىستانعان قانداستارىمىز تاپ بولعان ۇش قيىندىقتى;

ەكىنشى، ورتالىق جانە جەر­گىلىكتى بيلىك، سونداي-اق، قۇقىق قور­عاۋ ورگاندارى بۇل جاعدايعا نازار اۋ­دارۋ­عا ءماجبۇر بولىپ وتىرعان سوڭ، الەۋمەتتىك-ەكونوميكالىق ورتاعا بەيىمدەلۋ بارىسىندا قيىندىققا تاپ بولىپ وتىرعان قانداستارىمىز زور قاۋىپ تۋدىرىپ وتىر دەگەن ءسوز.

وسىعان بايلانىستى وبلىسقا، ءتىپتى رەسپۋبليكاعا ءتونىپ تۇرعان ءۇش قاۋىپتى;

ءۇشىنشى، قاسىم-جومارت كەمەلۇلى: «ارينە، مەن سىرتتاعى اعايىننىڭ تاريحي وتا­نى­نا ورالعانىن قۇپتايمىن. بىراق، ولار­دىڭ قوعامىمىزعا دۇرىس كىرىگۋىنە قا­تىستى ماسەلەلەردى شەشۋ قاجەت.»،-دەدى اتالعان سۇحباتىندا.

ءيا، بۇل ماسەلە جوعارىداعى مەن ايتقان ەكى سۇراقتىڭ بىرەۋىنىڭ نەگىزىندە سىزدەر باتىل شەشىم قولدانىپ، شىشىلۋلەرىڭىز كەرەك!

ەندەشە، الداعى ۋاقىتتا قانداستارىمىزدىڭ پرەزيدەنت ايتقان وسى ماسەلەسىن شەشۋ ءۇشىن، وبلىس اكىمى رەتىندە جوسپارلاعان ءۇش پريوريتەتتى ماقساتتارىڭىزدى بىلگىم كەلەدى.

قۇرمەتتى مارات ەلەۋسىزۇلى!

قيلىباي نۇرداۋلەت يگىلىكۇلى!

سىزدەردەن وسى ماسەلەگە بايلانىستى «ءۇش قيىندىق»-تى، ودان ءتونىپ تۇرعان «ءۇش قاۋىپتى» جانە ونى شەشۋ ءۇشىن جوسپارلاعان «ءۇش پريوريتەتتى ماقساتتى» جەكە-جەكە ايتىپ، وسى حاتىما ناقتى جاۋاپ بەرۋلەرىڭىزدى سۇرايمىن.