قازاقستان ەنەرگەتيكا مينيسترلىگى قارا تەڭىزدە، كاسپي قۇبىر كونسورتسيۋمى ماڭىندا قازاقستاننىڭ مۇنايىن تاسۋعا ارنالعان ەكى تانكەر درون شابۋىلىنا ۇشىراعانىن راستادى.

ۆەدومستۆو كەمەلەرگە شابۋىل جاسالعاندا مۇنايلار تيەلمەگەنىن، تانكەرلەر بوس بولعانىن، قازاقستان شىعىنعا ۇشىراماعانىن ايتادى. مالتا تۋىمەن جۇرگەن Matilda تانكەرى قاراشىعاناقتان كەلەتىن مۇنايدى، ليبەريا تۋىمەن جۇرگەن Delta Harmony تانكەرى "تەڭىزشەۆرويلدان" كەلەتىن مۇنايدى كۇتىپ تۇرعان. ەكى تانكەر گرەكيانىڭ كومپانيالارىنا تيەسىلى ەكەنى ايتىلعان.

مينيسترلىكتىڭ حابارلاۋىنشا، Matilda تانكەرىندە جارىلىس بولعان، بىراق ءورت شىقپاعان. قازا تاپقاندار مەن زارداپ شەككەندەر جوق. الدىن الا اقپارات بويىنشا، كەمە بۇلىنبەگەن، تەڭىزدە جۇزە الادى. ال Delta Harmony كەمەسىندە ءورت شىعىپ، سوندىرىلگەن، زارداپ شەككەندەر جوق دەيدى مينيسترلىك.

دەرەككوزى: ازاتتىق راديوسى

Abai.kz