پرينتمەديا تەحنولوگيالار كوللەدجىندە «زاڭ جانە ءتارتىپ» قاعيداسى اياسىندا تاربيە جۇمىسىنىڭ وزەكتى ماسەلەلەرى تالقىلاندى.

2026 جىلعى 16 قاڭتاردا پرينتمەديا تەحنولوگيالار كوللەدجىنىڭ بازاسىندا تەحنيكالىق جانە كاسىپتىك ءبىلىم بەرۋ ۇيىمدارى ديرەكتورلارىنىڭ تاربيە ءىسى جونىندەگى ورىنباسارلارى شتابىنىڭ وتىرىسى ءوتتى. ءىس-شارا «زاڭ جانە ءتارتىپ» قاعيداسىن ىلگەرىلەتۋ اياسىندا ۇيىمداستىرىلدى.

وتىرىسقا قۇقىق قورعاۋ ورگاندارىنىڭ وكىلدەرى قاتىستى: ۇيىمداسقان قىلمىسقا قارسى كۇرەس ءبولىمىنىڭ باستىعى، پوليتسيا پودپولكوۆنيگى گ. بوياۋباەۆ، ءبولىم باستىعىنىڭ ورىنباسارى، پوليتسيا پولكوۆنيگى ا. باجيكباەۆ، سونداي-اق اسا ماڭىزدى ىستەر جونىندەگى اعا جەدەل ۋاكىل، پوليتسيا مايورى ا. سەيداليموۆ.

وتىرىس بارىسىندا تاربيە جۇمىسىنىڭ وزەكتى ماسەلەلەرى قارالىپ، ءبىلىم الۋشىلار اراسىنداعى ءتارتىپ بۇزۋشىلىق جاعدايلارىنا تالداۋ جاسالدى. سونىمەن قاتار قۇقىق بۇزۋشىلىقتىڭ الدىن الۋعا جانە جاستاردىڭ قۇقىقتىق مادەنيەتىن قالىپتاستىرۋعا باعىتتالعان ءتيىمدى پروفيلاكتيكالىق شارالار تالقىلاندى.

ديرەكتورلاردىڭ تاربيە ءىسى جونىندەگى ورىنباسارلارىنىڭ جۇمىسىن ۇيىمداستىرۋ ماسەلەلەرى بويىنشا قببجتعاو تجكبب ادىسكەرى گ. جۋماگۋلوۆا بايانداما جاسادى. ول ءوز سوزىندە تاربيە جۇمىسىن جۇيەلى تۇردە ۇيىمداستىرۋدىڭ، ۆەدومستۆوارالىق ءوزارا ءىس-قيمىلدى كۇشەيتۋدىڭ جانە ءبىلىم بەرۋ ورتاسىندا زاڭدىلىق پەن ءتارتىپتى نىعايتۋعا باعىتتالعان ءتيىمدى الدىن الۋ تەتىكتەرىن ەنگىزۋدىڭ ماڭىزدىلىعىن اتاپ ءوتتى.

پرينتمەديا تەحنولوگيالار كوللەدجى ديرەكتورىنىڭ تاربيە ءىسى جونىندەگى ورىنباسارى ا. كۋنتۋباي كوللەدجدە «زاڭ جانە ءتارتىپ» قاعيداسى نەگىزىندە ستۋدەنتتەرمەن كەشەندى جۇمىستار تۇراقتى تۇردە جۇرگىزىلىپ جاتقانىن جەتكىزدى. ونىڭ ايتۋىنشا، ءبىلىم الۋشىلار اراسىندا زاڭعا قۇرمەتتى، قوعامدىق ءتارتىپ پەن جاۋاپكەرشىلىكتى قالىپتاستىرۋعا باعىتتالعان پروفيلاكتيكالىق ءىس-شارالار، قۇقىقتىق دارىستەر مەن ءتۇسىندىرۋ كەزدەسۋلەرى ۇيىمداستىرىلۋدا.

وتىرىس بارىسىندا اتا-انالارمەن، وقۋ توپتارىنىڭ كۋراتورلارىمەن جانە قۇقىق قورعاۋ ورگاندارىمەن ءوزارا ءىس-قيمىل ماسەلەلەرىنە ەرەكشە نازار اۋدارىلدى. كەزدەسۋ قورىتىندىسى بويىنشا الداعى كەزەڭگە ارنالعان باسىم باعىتتار ايقىندالىپ، قاۋىپسىز ءارى قولايلى ءبىلىم بەرۋ ورتاسىن قالىپتاستىرۋ ماقساتىندا شتاب جۇمىسى جۇيەلى تۇردە جۇرگىزىلەتىن بولدى.

Abai.kz