«نۇر وتان» پارتياسى توراعاسىنىڭ ورىنباسارى دارحان كالەتاەۆ پرەمەر-مينيستر كارىم ماسىموۆكە ءمىن تاقتى. ويتكەنى ءماسىموۆ ۇكىمەتى بيلىكتەگى پارتيانىڭ «باتيقاسىنسىز» «اق جول» پارتياسى ۇسىنعان «ۇلتتىق جاڭا ساياسات» تۋرالى جوباعا قولداۋ تانىتقان كورىنەدى.
قازتاگ ءتىلشىسىنىڭ حابارىنا سۇيەنسەك، «نۇر وتان» پارتياسى توراعاسىنىڭ ورىنباسارى دارحان كالەتاەۆ «اق جول» پارتياسىنىڭ «ۇلتتىق جاڭا ساياسات» تۇجىرىمداماسىنىڭ جوباسى ۇكىمەت تاراپىنان قولداۋ تاپقانىنا تۇسىنىسپەۋشىلىك ءبىلدىرىپ، بۇل قۇجات مەملەكەتتىك ساياساتقا قارسى دەپ ەسەپتەپتەگەنگە ۇقسايدى.
«اق جول» پارتياسى ۇسىنعان «ۇلتتىق جاڭا ساياسات» تۇجىرىمداماسى تالقىلانعان پارتياارالىق سوڭعى كەڭەستە، جەكەلەگەن ۇكىمەت وكىلدەرىنىڭ كوزقاراسى جەكە مەنىڭ تاڭىرقاۋشىلىعىمدى وياتتى»، - دەدى ول، دۇيسەنبى كۇنى «نۇر وتان» پارتياسىنىڭ پارلامەنتتىك فراكتسياسىنىڭ داعدارىسقا قارسى شارالاردىڭ قورتىندىسىنا ارنالعان وتىرىسىندا.
اتالعان تۇجىرىمداما جوباسى مەملەكەت باسشىسىنىڭ ۇلتارالىق كەلىسىم ساياساتىمەن ۇيلەسپەيتىندىكتەن ، تيىسىنشە، «نۇر وتان» پارتياسى تاراپىنان قولداۋ تاپپايدى، دەپ جالعاستىردى ول ءوز ءسوزىن.

«نۇر وتان» پارتياسى توراعاسىنىڭ ورىنباسارى دارحان كالەتاەۆ پرەمەر-مينيستر كارىم ماسىموۆكە ءمىن تاقتى. ويتكەنى ءماسىموۆ ۇكىمەتى بيلىكتەگى پارتيانىڭ «باتيقاسىنسىز» «اق جول» پارتياسى ۇسىنعان «ۇلتتىق جاڭا ساياسات» تۋرالى جوباعا قولداۋ تانىتقان كورىنەدى.
قازتاگ ءتىلشىسىنىڭ حابارىنا سۇيەنسەك، «نۇر وتان» پارتياسى توراعاسىنىڭ ورىنباسارى دارحان كالەتاەۆ «اق جول» پارتياسىنىڭ «ۇلتتىق جاڭا ساياسات» تۇجىرىمداماسىنىڭ جوباسى ۇكىمەت تاراپىنان قولداۋ تاپقانىنا تۇسىنىسپەۋشىلىك ءبىلدىرىپ، بۇل قۇجات مەملەكەتتىك ساياساتقا قارسى دەپ ەسەپتەپتەگەنگە ۇقسايدى.
«اق جول» پارتياسى ۇسىنعان «ۇلتتىق جاڭا ساياسات» تۇجىرىمداماسى تالقىلانعان پارتياارالىق سوڭعى كەڭەستە، جەكەلەگەن ۇكىمەت وكىلدەرىنىڭ كوزقاراسى جەكە مەنىڭ تاڭىرقاۋشىلىعىمدى وياتتى»، - دەدى ول، دۇيسەنبى كۇنى «نۇر وتان» پارتياسىنىڭ پارلامەنتتىك فراكتسياسىنىڭ داعدارىسقا قارسى شارالاردىڭ قورتىندىسىنا ارنالعان وتىرىسىندا.
اتالعان تۇجىرىمداما جوباسى مەملەكەت باسشىسىنىڭ ۇلتارالىق كەلىسىم ساياساتىمەن ۇيلەسپەيتىندىكتەن ، تيىسىنشە، «نۇر وتان» پارتياسى تاراپىنان قولداۋ تاپپايدى، دەپ جالعاستىردى ول ءوز ءسوزىن.
«ۇكىمەت وكىلدەرى اتالعان جوباعا ايتارلىقتاي قولداۋ ءبىلدىردى. مەنىڭشە، قازىرگى ۇكىمەت قۇرامى «نۇر وتان» پارتياسىنا مۇشە بولىپ تابىلاتىن لاۋازىم يەلەرىنەن قۇرىلعان. سوندىقتان ءماسىموۆ ۇكىمەتى «نۇر وتان» پارتياسىنىڭ ساياسي ۇستانىمدارىن قولداۋى ءتيىس. وسى رەتتەن كەلگەندە وپپوزيتسيالىق پارتيانىڭ داۋلى جوباسىنا ۇكىمەت اتىنان قولداۋ ءبىلدىرىپ وتىرعانى ءبىزدى تاڭ قالدىرادى»، - دەپ نارازىلىق تانىتتى دارحان كالەتاەۆ.
كالەتاەۆ مىرزا كارىم ءماسىموۆ ۇكىمەتىنىڭ ستۋدەنتتەردى جەڭىلدىكپەن نەسيەلەندىرىۋ باعدارلاماسىنا دا قارسى شىقتى.
قر ۇكىمەتى ستۋدەنتتەردى جەڭىلدىكپەن نەسيەلەندىرۋ باعدارلاماسىن كەڭەيتتى. بۇل تۋرالى قر پرەمەر-ءمينيسترى كارىم ءماسىموۆ دۇيسەنبى كۇنى، «نۇر وتان» پارتياسىنىڭ پارلامەنتتىك فراكتسياسىنىڭ داعدارىسقا قارسى شارالاردىڭ قورتىندىسىنا ارنالعان وتىرىسىندا ءمالىم ەتتى دەپ حابارلايدى قاز تاگ ءتىلشىسى.
«سىزدەردىڭ بيىلعى كوكتەمدەگى ۇسىنىستارىڭىزدى ەسكەرە وتىرىپ، ءبىز جەدەلدەتىلگەن نەسيە الۋ مۇمكىندىگىن كەڭەيتۋ تۋرالى شەشىم قابىلدادىق. وسى شەشىمنىڭ ناتيجەسى بويىنشا ماگيسترانتتار، ۇلگەرىمى جاقسى ستۋدەنتتەر ءبىرىنشى كۋرستان باستاپ ماماندىق تۇرىنە قاراماستان شەكتەۋسىز پايدالانا الادى. نەسيەنى وتەۋ مەرزىمى 15-تەن 17 جىلعا ۇلعايتىلدى، ال جەڭىلدىكتەگى مەرزىمى 6 ايدان ءبىر جىلعا دەيىن ۇزارتىلدى. بۇل رەتتە ەشقانداي كەپىلدىك كەرەك ەمەس، كەپىلدىكتى «قارجى ورتالىعى» اق ءوز موينىنا الادى»، - دەدى ك. ءماسىموۆ.
ال، «نۇر وتان» پارتياسى توراعاسىنىڭ ورىنباسارى دارحان كالەتاەۆ بولسا ستۋدەنتتەردى جەڭىلدىكپەن نەسيەلەندىرۋ باعدارلاماسى ساتسىزدىككە ۇشىراعانىنا ءمان بەرە كەلىپ:
- اشىق ايتايىقشى، ستۋدەنتتەردى جەڭىلدىكپەن نەسيەلەندىرۋ باعدارلاماسى ساتسىزدىككە ۇشىرادى. بۇل جەردە كىمنىڭ كىنالى ەكەنىن ءالى زەرتتەۋ كەرەك، - دەپ ماسىموۆكە تاعى دا قىرىن كەلدى.
«نۇر وتان» پارتياسى توراعاسىنىڭ ورىنباسارى دارحان كالەتاەۆتىڭ ماپەلەپ وتىرعان پرەمەر-ءمينيسترىمىز ماسىموۆكە الگىندەي پىكىر ءبىلدىرىپ، «اق جولدى» وپپوزيتسيايلىق پارتيا دەپ اتاعانى جۋرناليستەردى ەلەڭدەتىپ قويدى. جوعارىدا ايتىلعان قايشى پىكىرلەردى ءىلىپ الىپ «بۇل جاڭا ءبىر ساياسي ناۋقاننىڭ نىشانىن اڭعارتاتىن ءجايت» دەپ بولجام جاساپ جاتقاندار دا بار. قالاي دەسەكتە، ءماسىموۆ ۇكىمەتىنە ءبىر تىقىردىڭ تاياپ كەلە جاتقانى بايقالادى. اق وردانى توڭىرەكتەپ جۇرەتىن «اق جول» پارتياسى ءۇشىن دە ساياساتقا ارالاسىپ قالۋدىڭ مۇمكىندىكتەرى جاسالىپ باستاعانعا ۇقسايدى. «قۇدايسىز قۋرايدىڭ باسى سىنبايدى» دەيدى قازاق. تاعى نە دەۋگە بولادى؟..

«اباي-اقپارات».