كەلتىرىلگەن جالپى زالال 95 ميلليون تەڭگەدەن اسقان.

استانادا 2021–2025 جىلدار ارالىعىندا Instagram جەلىسى ارقىلى ءوزىن يپوتەكالىق دەلدال رەتىندە تانىستىرىپ، ازاماتتاردىڭ سەنىمىنە كىرىپ، ولاردىڭ اقشالارىن يەمدەنگەن 30 جاستاعى ەر ادامعا قاتىستى ۇكىم شىقتى.
ول "7-20-25" باعدارلاماسى ارقىلى باسپانا الىپ بەرۋگە كومەكتەسەمىن جانە جيھاز جوباسىنا ءتيىمدى ينۆەستيتسيا ۇسىنۋ سىلتاۋىمەن ازاماتتاردى الداپ، ءىرى كولەمدە قاراجات اۋدارتقان. الايدا العان مىندەتتەمەلەرىن ورىنداماي، اقشانى ءوز قاجەتىنە جۇمساعان.
سوت ايىپتالۋشىنىڭ كىناسىن مويىنداۋىن، كامەلەتكە تولماعان بالاسىنىڭ بولۋىن، زالالدىڭ ءبىر بولىگىن وتەگەنىن جانە جازانى اۋىرلاتاتىن ءمان-جايلاردىڭ جوقتىعىن ەسكەرە وتىرىپ، وعان 6 جىل باس بوستاندىعىنان ايىرۋ جازاسىن تاعايىندادى.

Abai.kz